ທ່ານປະທານປະເທດເຈີນດ້າຍກວາງແລະປະທານາທິບໍດີຝລັ່ງFrancois Hollande ເຂົ້າຮ່ວມການປະຊຸມຂ່າວ
ການປະຊຸມຂ່າວໃນຕອນເຊົ້າວັນທີ 6/9
(ພາບ: VTC News)
(vovworld)- ທີ່ການປະຊຸມຂ່າວໃນຕອນເຊົ້າວັນທີ 6/9, ທ່ານປະທານປະເທດ ເຈີນດ້າຍກວາງ ໃຫ້ຮູ້ວ່າ:ກ່ຽວກັບດ້ານເສດຖະກິດ, ຫວຽດນາມ ແລະ ຝລັ່ງ ເຫັນດີ ສົ່ງເສີມບັນດາວິສາຫະກິດສອງປະເທດມຸ້ງໄປເຖິງການສ້າງບັນດາຄູ່ຮ່ວມມືເສດຖະກິດ ແລະ ອຸດສາຫະກຳ ບົນພື້ນຖານຖ່າຍທອດເຕັກໂນໂລຊີ ແລະ ສອງຝ່າຍຕ່າງມີຜົນປະໂຫຍດ. ພ້ອມກັນນັ້ນສອງຝ່າຍຈະເພີ່ມທະວີການຮ່ວມມືປ້ອງກັນຊາດ. ທ່ານປະທານປະເທດ ເຈີນດ້າຍກວາງ ເນັ້ນຫນັກວ່າ: ຫວຽດນາມ ແລະ ຝລັ່ງ ສືບຕໍ່ສະຫນັບສະຫນູນເຊິ່ງກັນ ແລະກັນ ເພື່ອພັດທະນາການພົວພັນຂອງຝລັ່ງ ກັບ ອາຊີ ປາຊີຟີກ ແລະ ເພີ່ມທະວີການຮ່ວມມື ລະຫວ່າງຫວຽດນາມ ກັບສະຫະພາບເອີລົບ. ທ່ານປະທານປະເທດ ເຈີນດ້າຍກວາງ ກ່າວວ່າ:
“ ຂ້າພະເຈົ້າ ແລະ ປະທານາທິບໍດີ ຝລັ່ງ ຢືນຢັນ ເຄົາລົບບັນດາຫລັກການປະຕິບັດກົດໝາຍ ກ່ຽວກັບບັນດາບັນຫາຂັດແຍ້ງຢູ່ ທະເລ ແລະ ທະເລຫລວງ, ຢືນຢັນຄືນຄຳໝັ້ນສັນຍາຮັກສາຄວາມເສລີການເດີນທະເລ, ການບິນ. ສອງຝ່າຍເນັ້ນຫນັກຄວາມສຳຄັນຂອງການແກ້ໄຂຄວາມຂັດແຍ້ງໂດຍສັນຕິວິທີ, ບົນພື້ນຖານບັນດາຫລັກການຂອງກົດໝາຍສາກົນ.”
ປະທານາທິບໍດີ ຝລັ່ງ ໄດ້ຢືນຢັນວ່າ:
“ຜ່ານການຢ້ຽມຢາມ ຫວຽດນາມ ຄັ້ງນີ້ ແມ່ນປັບປຸງການພົວພັນລະຫວ່າງສອງປະເທດ, ເຮັດແນວໃດເພື່ອເພີ່ມທະວີການມີຫນ້າຂອງບັນດາວິສາຫະກິດ ຝລັ່ງ ຢູ່ຫວຽດນາມ. ນອກນັ້ນ ຍັງມີຈຸດທີ່ແຕກຕ່າງກັນໃນການພົວພັນຄູ່ຮ່ວມມືຍຸດທະສາດ ນັ້ນແມ່ນ ດ້ານວັດທະນະທຳ, ຄົ້ນຄ້ວາວິທະຍາສາດ…”