ທ່ານປະທານປະເທດເຈືອງເຕິ໋ນຊາງເຮັດວຽກຢູ່ແຂວງເງ້ອານ
(ທ່ານປະທານປະເທດເຈືອງເຕິ໋ນຊາງເຮັດວຽກຢູ່ແຂວງເງ້ອານ)
(vovworld) - ວັນທີ 8/8, ທ່ານປະທານປະເທດ ເຈືອງເຕິ໋ນຊາງ ແລະ ຄະນະປະຕິບັດງານສູນກາງ ໄດ້ຢ້ຽມຢາມ ແລະ ເຮັດວຽກຢູ່ແຂວງເງ້ອານ ກ່ຽວກັບສະພາບການພັດທະນາເສດຖະກິດສັງຄົມ, ຮັບປະກັນປ້ອງກັນຊາດ, ປ້ອງກັນຄວາມສະຫງົບໃນທ້ອງຖີ່ນ ແລະ ວຽກງານກະກຽມກອງປະຊຸມໃຫຍ່ອົງຄະນະພັກທຸກຂັ້ນ ກ້າວໄປເຖິງກອງປະຊຸມໃຫຍ່ຄັ້ງທີ 12 ຂອງພັກ. ເມື່ອເຮັດວຽກກັບການນຳຫຼັກແຫຼ່ງຂອງແຂວງ. ທ່ານປະທານປະເທດສະເໜີແຂວງ ຕ້ອງກວດກາບັນດາທ່າແຮງທີ່ມີຢູ່ແລ້ວຢ່າງວ່ອງໄວ ເພື່ອຍາດເອົາທ່າໄດ້ປຽບເມື່ອເຊື່ອມໂຍງ, ເປີດປະຕູຕະຫຼາດກັບບັນດາປະເທດໃນພາກພື້ນ ແລະ ໃນໂລກ.
“ຜະລິດຕະພັນປະເພດໃດມີຕະຫຼາດຈຳໜ່າຍ, ທາງແຂວງຕ້ອງຈັດຕັ້ງການຜະລິດຢ່າງໄວເພື່ອຊຸກຍູ້ການພັດທະນາ ແລະ ປັບປຸງທີ່ຕັ້ງຂອງຜະລິດຕະພັນ, ນັບທັງສິນຄ້າ ແລະ ການບໍລິການ. ອັນໃດມີທ່າໄດ້ປຽບແມ່ນຕ້ອງເຮັດໃນທັນທີ“.
ແລະກໍ່ໃນຕອນເຊົ້າວັນທີ 8/8, ທ່ານປະທານປະເທດ ເຈືອງເຕິ໋ນຊາງ ກໍ່ເຂົ້າຮ່ວມກອງປະຊຸມໃຫຍ່ຜູ້ແທນຄັ້ງທີ 2 ສະມາຄົມນັກຮົບປະຕິວັດແຂວງ ເງ້ອານ ທີ່ຖືກສັດຕູຈັບຕົວ, ກັກຂັງ. ນະທີ່ນີ້, ທ່ານປະທານປະເທດ ສະເໜີສະມາຄົມຄວນຊອກຫາວິທີຂົນຂວາຍການອຸປະຖຳ, ມີວິທີເຮັດຢ່າງມີຫົວຄິດປະດິດສ້າງ ເພື່ອຊ່ວຍເຫຼືອບັນດາຄອບຄົວສະມາຊິກສະມາຄົມທີ່ປະສົບຄວາມຫຍຸ້ງຍາກຢ່າງມີປະສິດທິຜົນ.
ກ່ອນໜ້ານັ້ນ, ວັນທີ 7/8, ທ່ານປະທານປະເທດ ເຈືອງເຕິ໋ນຊາງກໍ່ເຂົ້າຮ່ວມພິທີເປີດສະຫຼອງເຂດປູຊະນີຍະສະຖານປະຫວັດສາດ ຈວງບົ່ນ ເພື່ອຕອບບຸນແທນຄຸນບັນດາວິລະຊົນນັກຮົບທີ່ໄດ້ເສຍສະຫຼະຊີວິດເພື່ອເອກະລາດ, ເສລີພາບຂອງປະເທດຊາດ.