( vovworld ) - ໂດຍໄດ້ຮັບຄຳເຊື້ອເຊີນຈາກສະພາແຫ່ງຊາດລາວ, ຄະນະຜູ້ແທນຂັ້ນສູງສະພາແຫ່ງຊາດລາຊະອານາຈັກກຳປູເຈຍ ໂດຍທ່ານປະທານສະພາແຫ່ງຊາດ Heng Somrin ນຳໜ້າ, ໄປຢ້ຽມຢາມສັນຖະວະໄມຕີລາວແຕ່ວັນທີ 25 – 30/7. ຕາມທ່ານນາງ ປານີ ຢາທໍ່ຕູ້ ແລ້ວ, ການຢ້ຽມຢາມລາວຂອງຄະນະຜູ້ແທນສະພາແຫ່ງຊາດກຳປູເຈຍ ແມ່ນເຫດການສຳຄັນໃນສາຍພົວພັນສອງປະເທດ. ສ່ວນທ່ານປະທານສະພາແຫ່ງຊາດກຳປູເຈຍ Heng Somrin ໄດ້ຢືນຢັນວ່າ ການຢ້ຽມຢາມຄັ້ງນີ້ເພື່ອແນໃສ່ເພີ່ມທະວີສາຍພົວພັນມິດຕະພາບ, ການຮ່ວມມືທີ່ເປັນມູນເຊື້ອລະຫວ່າງສອງປະເທດກວ່າອີກ. ທີ່ການເຈລະຈາ, ສອງຝ່າຍໄດ້ແຈ້ງໃຫ້ກັນຊາບສະພາບການຂອງແຕ່ລະປະເທດ, ເລື່ອງຈັດຕັ້ງການປະຕິບັດວຽກງານຂອງສະພາແຫ່ງຊາດ, ປຶກສາຫາລືທິດທາງຮ່ວມມືລະຫວ່າງສະສະພາແຫ່ງຊາດໃນໄລຍະທີ່ຈະມາເຖິງ, ຊຸກຍູ້ລັດຖະບານສອງປະເທດໃນການປະຕິບັດບັນດາສັນຍາເຊິ່ງສອງຝ່າຍໄດ້ລົງນາມນຳກັນ, ໂດຍສະເພາະແມ່ນແມ່ນວຽກງານປັກຫຼັກໝາຍຊາຍແດນ... ສອງຝ່າຍໄດ້ລົງນາມໃນບົດບັນຖືກຊ່ວຍຈຳກ່ຽວກັບການຮ່ວມມືສອງຝ່າຍ, ເຊິ່ງຕາມນັ້ນແລ້ວ, ເຫັນດີສ້າງແຜນການຮ່ວມມືໃນບັນດາຂົງເຂດເຊິ່ງຕ່າງຝ່າຍຕ່າງມີຜົນປະໂຫຍດ, ເຫັນດີເປັນເອກະພາບເນື້ອໃນການຮ່ວມມືຈະໄດ້ຮັບການດຳນົດໃນແຕ່ລະປີ, ພິເສດແມ່ນການແລກປ່ຽນຄະນະຜູ້ແທນຂັ້ງສູງຂອງສະພາແຫ່ງຊາດ ເພື່ອແນໃສ່ຄົ້ນຄວ້າສະພາບຕົວຈິງ ແລະ ແລກປ່ຽນບົດຮຽນ, ຂໍ້ມູນຂ່າວສານ ແລະ ຈັດຕັ້ງກອງປະຊຸມສຳມະນາ, ແລກປ່ຽນວັດທະນະທຳ, ກິລາ.