(vovworld)- ຕອນບ່າຍວັນທີ 11/9 ຢູ່ຮ່າໂນ້ຍ, ທ່ານປະທານສະພາແຫ່ງຊາດ ຫງວຽນຊີງຮຸ່ງ ຕ້ອນຮັບກຸ່ມສະມາຊິກສະພາແຫ່ງຊາດ ຝລັ່ງ- ຫວຽດນາມ ຂອງສະພາສູງ ຝະລັ່ງ ໂດຍທ່ານ Christian Poncelet, ອະດີດປະທານສະພາສູງ ຝລັ່ງ, ປະທານກຸ່ມດັ່ງກ່າວເປັນຫົວຫນ້າຄະນະ ພວມຢ້ຽມຢາມ ແລະ ເຮັດວຽກຢູ່ ຫວຽດນາມ. ທ່ານປະທານສະພາແຫ່ງຊາດ ຫງວຽນຊີງຮຸ່ງ ເນັ້ນຫນັກວ່າ: ຫວຽດນາມ ແລະ ຝລັ່ງ ມີການພົວພັນສະຫນິດແຫນ້ນກ່ຽວກັບປະຫວັດສາດ ວັດທະນະທຳມາແຕ່ດົນນານ, ປະຊາຊົນສອງປະເທດໄດ້ສ້າງສາຍພົວພັນມິດຕະພາບການຮ່ວມມືຮອບດ້ານ. ເພື່ອສະເຫລີມສະຫລອງ 40 ປີແຫ່ງວັນສ້າງສາຍພົວພັນທາງການທູດລະຫວ່າງສອງປະເທດ, ສອງປະເທດໄດ້ຈັດຕັ້ງການເຄື່ອນໄຫວດ້ານການເມືອງ, ວັດທະນະທຳ, ເສດຖະກິດຫລາຍຢ່າງ ເນື່ອງໃນໂອກາດປີ ຝລັ່ງ ຫວຽດນາມ 2013 ແລະ ປີຫວຽດນາມ ຝລ່ັງ 2014. ທ່ານປະທານສະພາແຫ່ງຊາດ ຫງວຽນຊີງຮຸ່ງ ຕີລາຄາສູງນະໂຍບາຍຂອງ ຝລັ່ງ ໃນການເພີ່ມທະວີການພົວພັນມິດຕະພາບການຮ່ວມມືເສດຖະກິດກັບຫວຽດນາມ. ປະທານສະພາແຫ່ງຊາດ ຫງວຽນຊີງຮຸ່ງ ສະເຫນີ: ຝລັ່ງ ສະຫນັບສະຫນູນ ແລະ ຫນູນຊ່ວຍຫວຽດນາມ ຈັດຕັ້ງປີຫວຽດນາມ ຝລັ່ງ ຢູ່ ຝລັ່ງປີ 2014 ສຳເລັດຜົນ ແລະ ປາດຖະຫນາຢາກສອງຝ່າຍສືບຕໍ່ຜັນຂະຫຍາຍໂຄງການຮ່ວມມືສ້າງມະຫາວິທະຍາໄລວິທະຍາສາດ ແລະ ເຕັກໂນໂລຊີ ຢູ່ ຮ່າໂນ້ຍ ຢ່າງມີປະສິດທິຜົນ.