ທ່ານປະທານສະພາແຫ່ງຊາດຫງວຽນຊິງຮຸ່ງຕ້ອນຮັບປະທານສະພາຕຳ່ກາຊັກສະຖານ
(ທ່ານປະທານສະພາແຫ່ງຊາດ ຫງວຽນຊິງຮຸ່ງ ຕ້ອນຮັບ
ປະທານສະພາຕຳ່ກາຊັກສະຖານ)
(vovworld) - ໂດຍຮັບຄຳເຊີນຂອງທ່ານປະທານສະພາແຫ່ງຊາດ ຫງວຽນຊິງຮຸ່ງ, ຄະນະຜູ້ແທນຂັ້ນສູງສະພາຕຳ່ກາຊັກສະຖານ ໂດຍທ່ານ Zhakupov Kabibolla Kabenovich, ປະທານສະພາຕຳ່ນຳໜ້າ ໄດ້ມາຮອດຮ່າໂນ້ຍ, ເລີ່ມຕົ້ນການຢ້ຽມຢາມຫວຽດນາມ ຢ່າງເປັນທາງການ ແລະ ເຂົ້າຮ່ວມກອງປະຊຸມໃຫຍ່ ສະຫະພັນ ລັດຖະສະພາສາກົນຄັ້ງທີ 132 (IPU-132). ທີ່ການເຈລະຈາໃນຕອນບ່າຍວັນທີ 29/3, ທ່ານປະທານສະພາແຫ່ງຊາດ ຫງວຽນຊິງຮຸ່ງ ຢືນຢັນວ່າ, ສະພາແຫ່ງຊາດ ແລະ ປະຊາຊົນຫວຽດນາມ ປາດຖະໜາຢາກພ້ອມກັບກາຊັກສະຖານ ນຳການພົວພັນສອງປະເທດກ້າວເຂົ້າສູ່ລວງເລິກ, ແທດຈິງ ແລະ ມີປະສິດທິຜົນ. ທ່ານປະທານສະພາແຫ່ງຊາດ ຫງວຽນຊິງຮຸ່ງ ຊີ້ແຈ້ງວ່າ, ສະພາແຫ່ງຊາດຫວຽດນາມ ສະໜັບສະໜູນ ແລະ ພ້ອມກັບລັດຖະບານ ກໍ່ຄືບັນດາອົງການທີ່ກ່ຽວຂ້ອງ, ສ້າງເງື່ອນໄຂສະດວກເພື່ອໃຫ້ບັນດາວິສາຫະກິດກາຊັກສະຖານເຄື່ອນໄຫວ ແລະ ພັດທະນາຢູ່ຫວຽດນາມ. ທ່ານປະທານສະພາແຫ່ງຊາດ ຫງວຽນຊິງຮຸ່ງ ຫວັງວ່າ, ການຢ້ຽມຢາມຫວຽດນາມ ຄັ້ງນີ້ຂອງທ່ານປະທານສະພາຕຳ່ກາຊັກສະຖານ ຈະເປັນຂີດໝາຍສຳຄັນເພື່ອຊຸກຍູ້ການຮ່ວມມືລະຫວ່າງສະພາແຫ່ງຊາດຫວຽດນາມ ແລະ ກາຊັກສະຖານໃຫ້ຂຶ້ນສູ່ລະດັບສູງໃໝ່, ບໍ່ພຽງແຕ່ແບ່ງປັນບົດຮຽນດ້ານນິຕິບັນຍັດເທ່ົານັ້ນ, ຫາກຍັງສະໜັບສະໜູນ, ສົມທົບກັນໃນບັນດາເວທີລັດຖະສະພາພາກພື້ນ ແລະ ສາກົນອີກດ້ວຍ.