ທ່ານປະທານສະພາ ແຫ່ງຊາດຫວຽດນາມ ຫງວຽນຊິງຮຸ່ງ ມາຮອດສະໜາມບິນເຊີແນວປະເທດສະວິດ
|
(vovworld)- ຕອນເຊົ້າວັນທີ 18/3, ຕາມເວລາທ້ອງຖິ່ນ, ທ່ານປະທານສະພາ ແຫ່ງຊາດຫວຽດນາມ ຫງວຽນຊິງຮຸ່ງ ພ້ອມດ້ວຍຄະນະ ໄດ້ທຳການຢ້ຽມຢາມສະຫະພັນສະວິດຢ່່າງເປັນທາງການ. ພາຍຫຼັງພິທີຕ້ອນຮັບຢູ່ນະຄອນຫຼວງ Berne, ທ່ານປະທານສະພາ ແຫ່ງຊາດຫວຽດນາມ ຫງວຽນຊິງຮຸ່ງ ໄດ້ເຈລະຈາ ກັບທ່ານປະທານສະພາຕ່ຳແຫ່ງ ສະຫະພັນສະວິດ Lustenberger. ທີ່ການເຈລະຈາ, ທ່ານປະທານສະພາ ແຫ່ງຊາດຫວຽດນາມ ຫງວຽນຊິງຮຸ່ງ ຢືນຢັນວ່າ ການຢ້ຽມຢາມຂອງຄະນະຜູ້ແທນຂັ້ນສູງສະພາ ແຫ່ງຊາດຫວຽດນາມຄັ້ງນີ້ ແມ່ນເພື່ອຊຸກຍູ້, ເຮັດໃຫ້ສາຍພົວພັນມິດຕະພາບ ແລະ ການຮ່ວມມືຫຼາຍດ້ານລະຫວ່າງ 2 ປະເທດ, 2 ອົງການນິຕິບັນຍັດ, ພ້ອມທັງເຊື່ອໝັ້ນວ່າ ການຢ້ຽມຢາມຈະເປີດແງ່ຫວັງຮ່ວມມືໃໝ່ໃນການພົວພັນ 2 ຝ່າຍ ກໍຄືການພົວພັນຮ່ວມມືລະຫວ່າງພາກພື້ນ ແລະ ສາກົນ.
ສ່ວນທ່ານປະທານສະພາຕ່ຳແຫ່ງ ສະຫະພັນສະວິດ Lustenberger ຢືນຢັນຈະສົມທົບກັບສະພາ ແຫ່ງຊາດຫວຽດນາມ ແລະ ບັນດາອົງການທີ່ກ່ຽວຂ້ອງຈົ່ງຕິດຕາມກວດກາການປະຕິບັດບັນດາສັນຍາທີ່ໄດ້ຮັບການລົງນາມລະຫວ່າງລັດຖະບານ ແລະ ກະຊວງຕ່າງໆຂອງ 2 ປະເທດ. ສະວິດຈະໜູນຊ່ວຍຫວຽດນາມໃນການກໍ່ສ້າງດ້ານເຕັກນິກ, ມອບໂອນເຕັກໂນໂລຢີ, ຊຸກຍູ້ການຮ່ວມມືດ້ານການສຶກສາ ແລະ ກໍ່ສ້າງ, ພິເສດແມ່ນການໃຫ້ບຸລິມະສິດໃນການໜູນຊ່ວຍທຶນ ODA ໃຫ້ແກ່ຫວຽດນາມ