ທ່ານປະທານປະເທດ ຫງວຽນຊວັນຟຸກ ແລະ ທ່ານປະທານາທິບໍດີ ສ.ອິນໂດເນເຊຍ Joko Widodo (ພາບ: VOV)

ໂດຍໄດ້ຮັບຄຳເຊື້ອເຊີນຈາກທ່ານປະທານາທິບໍດີ ສ.ອິນໂດເນເຊຍ Joko Widodo, ທ່ານປະທານປະເທດ ຫງວຽນຊວັນຟຸກ ໄດ້ນຳໜ້າຄະນະຜູ້ແທນຂັ້ນສູງ ຫວຽດນາມ ໄປຢ້ຽມຢາມທາງລັດຖະກິດອິນໂດເນເຊຍ ໃນລະຫວ່າງວັນທີ 21 - 23 ທັນວາ. ຕອນເຊົ້າວັນທີ 22 ທັນວາ, ຢູ່ທຳນຽບປະທານາທິບໍດີ ຢູ່ນະຄອນ Bogor,  ແຂວງ ຕາເວັນຕົກ Java, ທ່ານປະທານາທິບໍດີ Joko Widodo ໄດ້ເປັນປະທານພິທີຕ້ອນຮັບ ທ່ານປະທານປະເທດ ຫວຽດນາມ ຫງວຽນຊວັນຟຸກດ້ວຍລະດັບຊາດ.

ພາຍຫຼັງພິທີຕ້ອນຮັບ, ທ່ານປະທານປະເທດ ຫງວຽນຊວັນຟຸກ ໄດ້ປູກຕົ້ນໄມ້ທີ່ລະນຶກ ຢູ່ທຳນຽບປະທານາທິບໍດີ. ຫຼັງຈາກນັ້ນ, ການນຳສອງທ່ານໄດ້ນຳໜ້າຄະນະຜູ້ແທນຂັ້ນສູງສອງປະເທດດຳເນີນການພົບປະເຈລະຈາ, ຕີລາຄາບັນດາໝາກຜົນໃນການຮ່ວມມືທີ່ບັນລຸໄດ້ໃນຊຸມປີຜ່ານມາ, ປຶກສາຫາລືການກຳນົດທິດເຮັດໃຫ້ການພົວພັນຄູ່ຮ່ວມມືຍຸດທະສາດລະຫວ່າງ ຫວຽດນາມ - ອິນໂດເນເຊຍເລິກເຊິ່ງກ່ວາອີກ.