ທ່ານປະທານາທິບໍດີ ອາເມລິກາ Donald Trump ແລະ ພັນລະຍາ Melania Trump (ພາບ: TTXVN)

ຢູ່ນະຄອນຫຼວງ New Delhi, ໃນວັນທີ 25 ກຸມພາ, ທ່ານປະທານາທິບໍດີ ອາເມລິກາ Donald Trump ແລະ ທ່ານນາຍົກລັດຖະມົນຕີ ອິນເດຍ Narendra Modi ຈະມີການໂອ້ລົມສົນທະນາຢ່າງເປັນທາງການ, ຄາດວ່າ ຈະສຸມໃສ່ເຂົ້າບັນດາບັນຫາສອງຝ່າຍ ແລະ ພາກພື້ນ ລວມມີ: ການຄ້າ ແລະ ການລົງທຶນ, ການປ້ອງກັນຊາດ - ປ້ອງກັນຄວາມສະຫງົບ, ການຕ້ານການກໍ່ການຮ້າຍ, ຄວາມໝັ້ນຄົງດ້ານພະລັງງານ, ຄວາມເສລີດ້ານສາສະໜາ, ການພົວພັນແລກປ່ຽນປະຊາຊົນ, ຂໍ້ຕົກລົງສັນຕິພາບທີ່ໄດ້ສະເໜີກັບ ຕາລີບານ ຢູ່ ອາບການິດສະຖານ ແລະ ສະພາບການຢູ່ ພາກພື້ນ ມະຫາສະມຸດອິນເດຍ - ປາຊີຟິກ.

ນີ້ແມ່ນການພົບປະຄັ້ງທີ 5 ລະຫວ່າງ ການນຳສອງທ່ານໃນຮອບ 8 ເດືອນທີ່ຜ່ານມາ. ສອງຝ່າຍຄາດວ່າ ຈະ ລົງນາມໃນຂໍ້ຕົກລົງດ້ານປ້ອງກັນຊາດບາງສະບັບເນື່ອງໃນການຢ້ຽມຢາມ ຄັ້ງນີ້.