ທ່ານປະທານາທິບໍດີ ອາເມລິກາ ເຊື່ອໝັ້ນວ່າ ຈະດຳເນີນກອງປະຊຸມສຸດຍອດກັບຄູ່ຕຳແໜ່ງ ລັດເຊຍ
(VOVWORLD) -ວັນທີ 7 ພຶດສະພາ, ທ່ານປະທານາທິບໍດີ ອາເມລິກາ Joe Biden ໄດ້ສະແດງຄວາມເຊື່ອໝັ້ນຕໍ່ຄວາມສາມາດຈະດຳເນີນກອງປະຊຸມສຸດຍອດ ກັບ ຄູ່ຕຳແໜ່ງ ລັດເຊຍ Vladimir Putin ເມື່ອເດືອນ ມິຖຸນາ ຈະມາເຖິງ.
ຕາມທ່ານນາງ Jen Psaki - ເລຂາຝ່າຍສື່ມວນຊົນ ຂອງທຳນຽບຂາວແລ້ວ, ການປຶກສາຫາລືຄັ້ງຕ່າງໆລະຫວ່າງສອງຝ່າຍ ກ່ຽວກັບສະຖານທີ່, ເວລາ ແລະ ລາຍການດຳເນີນງານຂອງກອງປະຊຸມສຸດຍອດ ຍັງສືບຕໍ່ໄດ້ຮັບການດຳເນີນ. ທ່ານນາງ ກໍໃຫ້ຮູ້ວ່າ ອາເມລິກາ ແລະ ລັດເຊຍ ຍັງມີຄວາມບໍ່ລົງລອຍກັນໃນຫຼາຍບັນຫາ ແຕ່ບັນດາຄວາມບໍ່ລົງລອຍກັນເຫຼົ່ານັ້ນ ບໍ່ຈຳເປັນຕ້ອງແກ້ໄຂ ກ່ອນເວລາດຳເນີນກອງປະຊຸມສຸດຍອດ.
ຕໍ່ໜ້າຄຳຖະແຫຼງຂອງທ່ານນາງ Jen Psaki, ວັນທີ 7 ພຶດສະພາ, ທ່ານ Dmitry Peskoy ໂຄສົກຂອງທ່ານປະທານາທິບໍດີ ລັດເຊຍ ຖືວ່າ ຝ່າຍ ລັດເຊຍ ພວມສືບຕໍ່ໄຈ້ແຍກສະພາບການ ເພື່ອຕັດສິນກ່ຽວກັບການຈັດກອງປະຊຸມສຸດຍອດ ລະຫວ່າງ ລັດເຊຍ ແລະ ອາເມລິກາ.