ທ່ານ ລັດຖະມົນຕີການຕ່າງປະເທດ ອາເມລິກາ Mike Pompeo (ພາບ: AFP/TTXVN)

ກ່າວຄຳເຫັນອອກອາກາດທາງວິທະຍຸກະຈາຍສຽງ KQAM ຂອງ ລັດ Kansas, ທ່ານ Pompeo ຫວັງວ່າ ອາດຈະສືບຕໍ່ຊຸກຍູ້ວິວັດການດັ່ງກ່າວເພື່ອບັນລຸໄດ້ໝາກຜົນດີກ່ວານີ້ ໃນຊຸມເດືອນຈະມາເຖິງ. ທ່ານໃຫ້ຮູ້ຕື່ມອີກວ່າ ວໍຊິງຕັນ ຍັງເຮັດວຽກຢ່າງຕັ້ງໜ້າເພື່ອປະຕິບັດບັນດາມາດຕາທີ່ໄດ້ຮັບການເຫັນດີເປັນເອກະພາບຈາກສອງຝ່າຍຢູ່ກອງປະຊຸມສຸດຍອດລະຫວ່າງອາເມລິກາ - ສປປ.ເກົາຫຼີ ຄັ້ງທີ 1 ຢູ່ ສິງກະໂປ ເມື່ອເດືອນ ມິຖຸນາ ປີ 2018 ເພື່ອ ພະຍາຍາມສ້າງສປປ.ເກົາຫຼີ ໃຫ້ປອດນິວເຄຼຍ.

ຄຳຖະແຫຼງດັ່ງກ່າວໄດ້ຍົກອອກມາໃນສະພາບການ ພຽງຢາງໄດ້ຍິງວັດຖຸບິນໄລຍະສັ້ນ 2 ຢ່າງໃນວັນທີ 31 ຕຸລາ. ທ່ານ Pompeo ຖືວ່າ ບັນດາວັດຖຸທີ່ ສປປ.ເກົາຫຼີຍິງທົດລອງໃນວັນທີ 31 ຕຸລາ ນັ້ນແມ່ນປະເພດດຽວກັນກັບ ບັນດາລູກສອນໄຟທີ່ປະເທດນີ້ໄດ້ຍິງກ່ອນໜ້ານັ້ນ, ພ້ອມທັງຮຽກຮ້ອງໃຫ້ເພີ່ມທະວີຄວາມມານະພະຍາຍາມໃຫ້ແກ່ການເຈລະຈາດ້ານນິວເຄຼຍ.