ທ່ານຫງວຽນຊວນຟຸ໋ກຕ້ອນຮັບລັດຖະມົນຕີກະຊວງວິສາຫະກິດແລະປະດິດຄິດສ້າງລາຊະອານາຈັກອັງກິດ
ທ່ານຮອງນາຍົກລັດຖະມົນຕີ ຫງວຽນຊວນຟຸ໋ກ
ຕ້ອນຮັບ ທ່ານນາງ Neville Rolfe
(ພາບ: VGP/LeSon)
(vovworld) – ກ່າວຄຳເຫັນທີ່ການຕ້ອນຮັບ ລັດຖະມົນຕີຮັບຜິດຊອບກະຊວງວິສາຫະກິດ, ປ່ຽນໃໝ່ ແລະ ປະດິດຄິດສ້າງ ລາຊະອານາຈັກ ອັງກິດ ທ່ານນາງ Neville Rolfe ໃນຕອນບ່າຍວັນທີ 23/9, ທ່ານຮອງນາຍົກລັດຖະມົນຕີ ຫງວຽນຊວນຟຸ໋ກ ຢືນຢັນວ່າ: ຫວຽດນາມ ຊົມເຊີຍ ແລະ ສ້າງທຸກເງື່ອນໄຂສະດວກ ເພື່ອໃຫ້ບັນດາວິສາຫະກິດ ແລະ ນັກລົງທຶນຂອງລາຊະອານາຈັກ ອັງກິດ ເຄື່ອນໄຫວຢ່າງມີປະສິດທິຜົນ ແລະ ຍາວນານຢູ່ ຫວຽດນາມ. ທ່ານຮອງນາຍົກລັດຖະທົນຕີ ຫງວຽນຊວນຟຸ໋ກ ສະແດງຄວາມເຊື່ອໝັ້ນວ່າ: ເລື່ອງສັນຍາການຄ້າເສລີລະຫວ່າງ ຫວຽດນາມ - ສະຫະພາບ ເອີລົບ ໄດ້ລົງນາມ ຈະເພີ່ມທະວີການຮ່ວມມືດ້ານເສດຖະກິດລະຫວ່າງ ຫວຽດນາມ - ສະຫະພາບ ເອີລົບ ເວົ້າລວມ ແລະ ຫວຽດນາມ - ລາຊະອານາຈັກ ອັງກິດ ເວົ້າສະເພາະໃນໄລຍະຈະມາເຖິງ. ທ່ານຮອງນາຍົກລັດຖະມົນຕີ ຫງວຽນຊວນຟຸ໋ກ ແລະ ທ່ານນາງ Neville Rolfe, ລັດຖະມົນຕີກະຊວງວິສາຫະກິດ, ປ່ຽນໃໝ່ ແລະ ປະດິດຄິດສ້າງລາຊະອານາຈັກ ອັງກິດ ປາດຖະໜາຢາກໃຫ້ 2 ປະເທດສືບຕໍ່ການຮ່ວມມືໃນຂົງເຂດສິດຊັບສິນທາງປັນຍາ, ຍົກສູງຄວາມສາມາດປົກປ້ອງ ແລະ ປະຕິບັດສິດຊັບສິນທາງປັນຍາ, ຜັນຂະຫຍາຍຫລາຍໂຄງການຮ່ວມມືລະຫວ່າງບັນດາມະຫາວິທະຍາໄລ, ສູນຄົ້ນຄວ້າຂອງ 2 ປະເທດ.
ກ່ອນໜ້ານັ້ນ, ທ່ານນາງ Neville Rolfe ແລະ ການນຳກະຊວງວິທະຍາສາດ ແລະ ເຕັກໂນໂລຢີ ຫວຽດນາມ ໄດ້ເຊັນບົດບັນທຶກຊ່ວຍຈຳລະຫວ່າງສະພາ ອັງກິດ ແລະ ກະຊວງວິທະຍາສາດ ແລະ ເຕັກໂນໂລຢີ ຫວຽດນາມ ກ່ຽວກັບໂຄງການ Newton ຫວຽດນາມ.