(ພາບ:tienphong.vn)
(vovworld)- ເນື່ອງໃນໂອກາດລະດູບານໃໝ່ປີມະເສງ 2013, ຕອນເຊົ້າວັນທີ 18/2, ທ່ານນາຍົກລັດຖະມົນຕີຫງວຽນເຕີນຢຸງໄປຢ້ຽມຢາມ, ອວຍພອນບຸນເຕັດ ແລະ ເຮັດວຽກກັບອົງຄະນະພັກ, ອຳນາດການປົກຄອງ ແລະ ປະຊາຊົນແຂວງບິງທ້ວນ ແລະ ໄປຢ້ຽມຢາມ, ອວຍພອນພະນັກງານ, ນັກຮົບຄະນະ 681 ກອງທັບເຮືອຢູ່ຕາແສງຕຽນແທງ ນະຄອນຟານທຽດ.ກ່າວຄຳເຫັນທີ່ການເຮັດວຽກກັບການນຳແຂວງ ບີງທ້ວນ, ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸ້ງ ໄດ້ໃຫ້ຄຳຕັກເຕື່ອນວ່າ ທາງແຂວງຄວນເອົາໃຈໃສ່ເປັນພິເສດເຖິງການພັດທະນາກະສີກຳ ໂດຍຕິດພັນກັບການກໍ່ສ້າງຊົນນະບົດໃໝ່. ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸ້ງ ເນັ້ນໜັກວ່າ ແຂວງ ບີງທ້ວນ ຄວນອອກແຮງຂຸດຄົ້ນບັນດາຄວາມສາມາດບົ່ມຊ້ອນ, ທ່າໄດ້ປຽບຂອງທ້ອງຖິ່ນ, ປຸກລະດົມບັນດາແຫຼ່ງກຳລັງເພື່ອບືນຕົວຂຶ້ນ, ພັດທະນາແບບຍືນຍົງ. ທ່ານນາຍົກລັດຖະມົນຕີ ຫວຽດນາມ ຫງວຽນເຕີ້ນຢຸ້ງໃຫ້ການຊີ້ນຳວ່າ : ທາງແຂວງຄວນເອົາໃຈໃສ່ດຶງດູດການລົງທຶນ, ເປັນຕົ້ນແມ່ນດຶງດູດບັນດາແຫຼ່ງກຳລັງເຂົ້າໃນການກໍ່ສ້າງພື້ນຖານໂຄງລ່າງຄົມມະນາຄົມຂົນສົ່ງ, ຊົນລະປະທານ, ໄຟຟ້າ, ນ້ຳສະອາດ, ພ້ອມກັນນັ້ນກໍສືບຕໍ່ເອົາໃຈໃສ່ວຽກງານພັດທະນາດ້ານສາທາລະນະສຸກ, ລົບລ້າງຄວາມອຶດຫິວ ຫຼຸດຜ່ອນຄວາມທຸກຍາກ…………….
ໃນຂອບເຂດການຢ້ຽມຢາມ ແລະ ເຮັດວຽກ, ທ່ານກໍ່ໄດ້ກວດກາວຽກງານຝືກຊ້ອມ, ເວນຍາມ, ກຽມພ້ອມສູ້ຮົບ ແລະ ຄວາມສາມາດນຳໃຊ້ບັນດາເຄື່ອງອຸປະກອນ, ອາວຸດທັນສະໄໝຂອງບັນດາກົມກອງ. ທ່ານຮຽກຮ້ອງໃຫ້ກົມກອງຕ້ອງສືບຕໍ່ປະຕິບັດການຝຶກຊ້ອມເປັນຢ່າງດີ, ຍົກສູງຈິດໃຈລະມັດລະວັງ, ກຽມພ້ອມສູ້ຮົບ. ແລະ ກໍ່ໃນຕອນເຊົ້າຂອງວັນທີ 18/2, ທ່ານນາຍົກລັດຖະມົນຕີຫງວຽນເຕີນຢຸງ ຍັງໄປກວດກາກິດຈະການຊົນລະປະທານແມ່ນຳ Quao ແລະ ໄປຖະຫວາຍທູບທຽນ, ວາງພວງມາລາອາໄລຫາປະທານໂຮ່ຈິມິນ ທີ່ຫໍພິພິຕະພັນໂຮ່ຈິມິນ. ໃນຕອນບ່າຍຂອງວັນດຽວກັນ, ທ່ານນາຍົກລັດຖະມົນຕີຫງວຽນເຕີນຢຸງ ໄດ້ເຮັດວຽກກັບການນຳຫລັກແຫຼ່ງ ແຂວງບິງທ້ວນ ກ່ຽວກັບສະພາບປະຕິບັດໜ້າທີ່ພັດທະນາເສດຖະກິດສັງຄົມຢູ່ທ້ອງຖິ່ນ.