ທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢຸງ
ຕ້ອນຮັບທ່ານ Tsutomu Takebe
(ພາບ: TTXVN)
(vovworld) – ຕອນບ່າຍວັນທີ 16/11, ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນເຕີນຢຸງ ໄດ້ໃຫ້ການຕ້ອນຮັບທ່ານ Tsutomu Takebe ທີ່ປຶກສາພິເສດພັນທະມິດສະມາຊິກລັດຖະສະພາ ຍີ່ປຸ່ນ - ຫວຽດນາມ ທີ່ພວມ ຢ້ຽມຢາມ ແລະ ເຮັດວຽກຢູ່ ຫວຽດນາມ. ທ່ານນາຍົກລັດຖະມົນຕີ ຫງວຽນເຕີ໋ນຢຸງ ໄດ້ຊົມເຊີຍທ່ານ Tsutomu Takebe ມາຢ້ຽມຢາມ ຫວຽດນາມ ເພື່ອເຂົ້າຮ່ວມງານບຸນ ຢີ່ປຸ່ນ ຢູ່ນະຄອນ ໂຮ່ຈີມິນ ແລະ ສົ່ງເສີມວຽກງານຜັນຂະຫຍາຍມະຫາວິທະຍາໄລ ຫວຽດນາມ - ຍີ່ປຸ່ນ. ທ່ານນາຍົກລັດຖະມົນຕີ ຫງວຽນເຕີ໋ນຢຸງ ຢືນຢັນວ່າ: ລັດຖະບານ ຫວຽດນາມ ຍາມໃດກໍຖືເປັນສຳຄັນ ແລະ ຈະເຮັດຈົນສຸດຄວາມສາມາດຂອງຕົນ ກໍ່ຄືປາດຖະໜາຢາກພ້ອມກັບ ຍີ່ປຸ່ນ ມານະພະຍາຍາມ ເພື່ອສືບຕໍ່ນຳການພົວພັນ 2 ຝ່າຍໃຫ້ພັດທະນາໃນທຸກຂົງເຂດຢ່າງເລິກເຊິ່ງ ກ້ວາງຂວາງ ແລະ ມີປະສິດທິຜົນ, ນຳມາເຊິ່ງຜົນປະໂຫຍດໃຫ້ປະຊາຊົນ 2 ປະເທດຢ່າງແທດຈິງ.
ແລະກໍໃນວັນດຽວກັນ, ທີ່ການຕ້ອນຮັບທ່ານ Tsutomu Takebe, ທີ່ປຶກສາພິເສດພັນທະມິດສະມາຊິກລັດຖະສະພາມິດຕະພາບ ຍີ່ປຸ່ນ - ຫວຽດນາມ, ທ່ານ ໂຕ
ຮູຍເຣື໋ອ, ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະຈັດຕັ້ງສູນກາງ, ປະທານກຸ່ມສະມາຊິກລັດຖະສະພາມິດຕະພາບ ຫວຽດນາມ - ຍີ່ປຸ່ນ, ກໍ່ຕີລາຄາສູງການສະໜັບສະໜູນດ້ານການເມືອງ ຢ່າງມີປະສິດທິຜົນ ຂອງທ່ານ Tsutomu Takebe ໃນຖານະເປັນປະທານພັນທະມິດສະມາຊິກລັດຖະສະພາມິດຕະພາບ ຍີ່ປຸ່ນ - ຫວຽດນາມ ໃນເມື່ອກ່ອນ, ກໍຄືບັນດາການອຸທິດສ່ວນຢ່າງແທດຈິງ ເຂົ້າໃນການຊຸກຍູ້ບັນດາໂຄງການຮ່ວມມືກ່ຽວກັບການບຳລຸງສ້າງ, ການພົບປະແລກປ່ຽນວັດທະນະທຳຄືປະຈຸບັນ. ທ່ານ Tsutomu Takebe ໃຫ້ຮູ້ວ່າ: ທ່ານນາຍົກລັດຖະມົນຕີ ຍີ່ປຸ່ນ ສົນໃຈທີ່ສຸດເຖິງໂຄງການມະຫາວິທະຍາໄລ ຍີ່ປຸ່ນ - ຫວຽດນາມ. ທ່ານ Tsutomu Takebe ຢືນຢັນວ່າ: ດ້ວຍອິດທິພົນຊື່ສຽງໃນຖານະຕຳແໜງຂອງຕົນ ແມ່ນຈະເອົາໃຈໃສ່ຊຸກຍູ້ການພົບປະແລກປ່ຽນລະຫວ່າງບັນດາສະມາຊິກລັດຖະສະພາ 2 ປະເທດ.