ທ່ານຫວູດຶກດາມຮອງນາຍົກລັດຖະມົນຕີເຮັດວຽກຢູ່ແຂວງ ບັກຢາງ
ທ່ານ ຫວູດຶກດາມ ຮອງນາຍົກລັດຖະມົນຕີ
ໄດ້ເຮັດວຽກກັບການນຳຂອງແຂວງ ບັກຢາງ
(ພາບ: TTXVN)
(vovworld) - ໃນວັນທີ 12/3, ທ່ານ ຫວູດຶກດາມ ຮອງນາຍົກລັດຖະມົນຕີ ໄດ້ເຮັດວຽກກັບການນຳຂອງແຂວງ ບັກຢາງ ກ່ຽວກັບສະພາບດ້ານເສດຖະກິດ, ສັງຄົມ ແລະ ສະພາບຕົວຈິງແຫ່ງການເຄື່ອນໄຫວ ສາທາລະນະສຸກ, ສົ່ງເສີມ ສຸຂະພາບໃຫ້ປະຊາຊົນໃນບໍລິເວນ. ທ່ານ ຫວູດຶກດາມ ຮອງນາຍົກລັດຖະມົນຕີ ຢືນຢັນວ່າ: ການສ້າງສຳເນົາຄຸ້ມຄອງສຸຂະພາບເອເລັກໂຕນິກໃຫ້ປະຊາຊົນແມ່ນບັນຫາໃໝ່ຢູ່ ຫວຽດນາມ, ແມ່ນວຽກງານມີຄວາມໝາຍອັນຍາວນານ, ຖ້າປະຕິບັດໄດ້ຈະນຳມາເຊິ່ງຜົນປະໂຫຍດອັນໃຫຍ່ຫຼວງ. ທ່ານ ຮອງນາຍົກລັດຖະມົນຕີ ສະເໜີ ກະຊວງສາທາລະນະສຸກ, ອົງການປະກັນສັງຄົມຫວຽດນາມ, ກຸ່ມບໍລິສັດໂທລະຄົມມະນາຄົມກອງທັບ (Viettel) ເພີ່ມທະວີການສົມທົບກັບແຂວງບັກຢາງ ເພື່ອແນໃສ່ຕີລາຄາ ໝາກຜົນ, ຈາກນັ້ນຜັນຂະຫຍາຍທະວີຄູນ ຮູບແບບການສ້າງສຳເນົາຄຸ້ມຄອງສຸຂະພາບເອເລັກໂຕນິກ ໃຫ້ປະຊາຊົນໃນບໍລິເວນ. ກ່ຽວກັບບັນດາການເຄື່ອນໄຫວໜູນຊ່ວຍວິທະຍາສາດ ແລະ ເຕັກໂນໂລຢີ, ທ່ານ ຫວູດຶກດາມ ຮອງນາຍົກລັດຖະມົນຕີ ຮຽກຮ້ອງການນຳແຂວງ, ການນຳກະຊວງວິທະຍາສາດ ແລະ ເຕັກໂນໂລຢີ, ກຸ່ມບໍລິສັດໂທລະຄົມມະນາຄົມກອງທັບ ສົມທົບກັນຢ່າງແໜ້ນແຟ້ນເພື່ອປະຕິບັດບັນດາການເຄື່ອນໄຫວດັ່ງກ່າວຢ່າງມີປະສິດທິຜົນ.