ທ່ານ ອວງຈູລືວ ຮອງປະທານສະພາແຫ່ງຊາດ
(ພາບ: DinhNam)
(vovworld) – ໃນຕອນເຊົ້າວັນທີ 5/4, ຢູ່ຫໍສະພາແຫ່ງຊາດ, ທ່ານ ອວງຈູລືວ ຮອງປະທານສະພາແຫ່ງຊາດ ໃຫ້ການຕ້ອນຮັບ ຄະນະສະມາຊິກສະພາແຫ່ງຊາດ ແຂວງບີ່ງເຟືອກ ຊຸດຕ່າງໆ, ເນື່ອງໃນໂອກາດຄະນະມາຢ້ຽມຢາມ ນະຄອນຫຼວງຮ່າໂນ້ຍ. ກ່າວຄວາມເຫັນທີ່ການພົບປະ, ທ່ານ ອວງຈູລືວ ຮອງປະທານສະພາແຫ່ງຊາດ ໃຫ້ຮູ້ວ່າ: ໃນໄລຍະຈະມາເຖິງ ສະພາແຫ່ງຊາດ ຈະສືບຕໍ່ຍູ້ແຮງການປ່ຽນແປງໃໝ່ ແລະ ປະຕິບັດ ບັນດາວຽກງານສ້າງກົດໝາຍ, ຕິດຕາມກວດກາສູງສຸດ ໃຫ້ມີຄຸນນະພາບກ່ວາ ແລະ ຕົກລົງບັນດາບັນຫາສຳຄັນ ຂອງປະເທດ, ຕອບສະໜອງຄວາມປາດຖະໜາ ຂອງຜູ້ມີສິດເລືອກຕັ້ງ ແລະ ປະຊາຊົນ. ທ່ານ ຮອງປະທານສະພາແຫ່ງຊາດ ປາຖະໜາວ່າ ຄະນະສະມາຊິກສະພາຫແຫ່ງຊາດ ແຂວງບີ່ງເຟືອກ ຊຸດຕ່າງໆ ຈະສືບຕໍ່ມີບັນດາຂໍ້ສະເໜີແນະ, ມີການປະກອບສ່ວນຢ່າງຊັດເຈນ, ແທດຈິງ, ຊ່ວຍສະພາແຫ່ງຊາດ ປັບປຸງລະບອບ, ນະໂຍບາຍໃຫ້ສົມບູນ, ຜ່ານນັ້ນ ຊຸກຍູ້ການພັດທະນາເສດຖະກິດ-ສັງຄົມຂອງປະເທດ. ຄະນະສະມາຊິກສະພາແຫ່ງຊາດ ແຂວງບີ່ງເຟືອກ ຢັ້ງຢືນວ່າ ດ້ວຍບົດບາດເປັນອະດີດສະມາຊິກສະພາແຫ່ງຊາດ, ເປັນພົນລະເມືອງ, , ຜູ້ມີສິດເລືອກຕັ້ງຈະປະກອບສະຕິປັນຍາ, ຄວາມສຸດຈິດສຸດໃຈ ໃຫ້ບັນດາການເຄື່ອນໄຫວຂອງສະພາແຫ່ງຊາດ; ເຊື່ອໝັນວ່າ ສະພາແຫ່ງຊາດນັບມື້ນັບຕິດພັນ ແລະ ນຳມາເຊິ່ງຜົນປະໂຫຍດອັນແທດຈິງ ໃຫ້ຜູ້ມີສິດເລືອກຕັ້ງ ແລະ ປະຊາດຊົນທັງຊາດ.