ທ່ານປະທານຮິງດາມ
(ພາບ:vov.vn)
(vovworld)- ທ່ານຮິງດາມ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫາກໍ່ຝາກຈົດໝາຍອວຍພອນບັນດານັກບວດ, ອາຈາ ພ້ອມກັບປະຊາຊົນຊາວເຜົ່າຂະແມ ເນື່ອງໃນໂອກາດບູນປີໃໝ່ Chol Chnam Thmay ປີ 2013. ໃນຈົດໝາຍທ່ານປະທານຮິງດາມ ໄດ້ຮັບຮູ້ວ່າ: ໃນປີຜ່ານມາ, ຊາວເຜົ່າຂະແມ ໄດ້ພ້ອມກັບປະຊາຊົນທົ່ວປະເທດ, ເສີມຂະຫຍາຍມູນເຊື້ອສາມັກຄີ, ຮັກຊາດ, ປະຕິບັດແຜນນະໂຍບາຍ, ນະໂຍບາຍຂອງພັກ, ລັດ. ຕອບສະໜອງບັນດາຂະບວນການ, ບັ້ນຂົນຂວາຍໂດຍແນວໂຮມປະເທດຊາດຫວຽດນາມ ປຸກລະດົມ, ຮ່ວມແຮງຮ່ວມໃຈພ້ອມກັບພັກ, ລັດຜ່ານຜ່າສິ່ງທ້າທາຍ, ຄວາມຫຍຸ້ງຍາກ, ບັນລຸໄດ້ບັນດາຜົນງານສຳຄັນໃນການພັດທະນາເສດຖະກິດ, ເອົາໃຈໃສ່ເບິ່ງແຍງຊີວິດສັງຄົມ, ຮັບປະກັນການປ້ອງກັນຊາດປ້ອງກັນຄວາມສະຫງົບ. ຊີວິດດ້ານວັດຖະ ແລະ ຈິດໃຈຂອງຊາວເຜົ່ຂະແມ, ປະຊາຊົນທຸກຊັນວັນນະ, ບັນດາເຜົ່າ, ສາສະໜາຕ່າງໆໃນທົ່ວປະເທດສືບຕໍ່ໄດ້ຮັບການປົວແປງ. ທ່ານຮິງດາມ ເຊື່ອໝັ້ນວ່າ: ບັນດານັກບວດ, ອາຈາ ພ້ອມດ້ວຍຊາວເຜົ່າຂະແມທຸກຄົນຈະສືບຕໍ່ຮ່ຳຮຽນ, ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ, ປະຕິບັດແຜນນະໂຍບາຍ, ນະໂຍບາຍຂອງພັກ, ກົດໝາຍຂອງລັດ, ອອກແຮງແຂ່ງຂັນອອກແຮງງານ, ສ້າງຊີວິດອີ່ມໜຳສຳລານ, ຜາສຸກ, ປະກອບສ່ວນອັນແທດຈິງເຂົ້າໃນພາລະກິດສ້າງສາ ແລະ ປົກປັກຮັກສາປະເທດຊາດ.