(vovworld) - ຕອນບ່າຍວັນທີ 02/01, ຢູ່ຮ່າໂນ້ຍ, ທ່ານຮອງນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ເປັນປະທານກອງປະຊຸມກ່ຽວກັບວຽກງານຫັນລະບຽບການບໍລິຫານເປັນງ່າຍດາຍໃນຂົງເຂດທີ່ດິນ, ການລົງທຶນ ແລະ ກໍ່ສ້າງ.
ກ່ຽວກັບເລື່ອງອອກໃບຢັ້ງຢືນນຳໃຊ້ທີ່ດິນ, ກຳມະສິດເຮືອນຢູ່, ຊັບສິນຕິດພັນກັບທີ່ດິນ, ຈົດທະບຽນກ່ຽວກັບການຫັນປ່ຽນດ້ານທີ່ດິນ, ກະຊວງຊັບພະຍາກອນ ແລະ ສິ່ງແວດລ້ອມຫວຽດນາມ ໄດ້ເປັນເອກະພາບກ່ຽວກັບໃບຢັ້ງຢືນສິດນຳໃຊ້ທີ່ດິນປະເພດດຽວ, ສຳເນົາເອກະສານທີ່ດິນທີ່ໄດ້ຮັບການກໍ່ສ້າງ... ກະຊວງແຜນການ ແລະ ການລົງທຶນ ສະເໜີສຳເລັດກົນໄກປະຕູດຽວໃນການແກ້ໄຂບັນດາລະບຽບການບໍລິຫານທີ່ກ່ຽວຂອງເຖິງການອອກໃບຢັ້ງຢືນການລົງທຶນ. ໃນຂົງເຂດອອກໃບອະນຸຍາດກໍ່ສ້າງ, ກະຊວງກໍ່ສ້າງ ໄດ້ລົບລ້າງ 15 ລະບຽບການບໍລິຫານກ່ຽວກັບເລື່ອງອອກໜັງສືອະນຸຍາດກໍ່ສ້າງທີ່ໄດ້ຮັບການປະກາດໃຊ້.
ກ່າວຄຳເຫັນສະຫຼຸບກອງປະຊຸມ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ເນັ້ນໜັກວ່າ ບັນດາກະຊວງ, ຂະແໜງການຄວນສືບຕໍ່ຫັນລະບຽບການບໍລິຫານເປັນງ່າຍດາຍ, ຖືນີ້ແມ່ນໜ້າທີ່ສຳຄັນ ເພື່ອຊ່ວຍປົວແປງສະພາບແວດລ້ອມແຫ່ງການດຳເນີນທຸລະກິດ ແລະ ດັດຊະນີແກ່ງແຍ່ງຂອງປະເທດຊາດ. ທ່ານຮອງນາຍົກລັດຖະມົນຕີ ກໍ່ຮຽກຮ້ອງໃຫ້ບັນດາກະຊວງ, ຂະແໜງການ, ທ້ອງຖິ່ນ ສ້າງແຜນການກວດກາ, ຕີລາຄາການຜັນຂະຫຍາຍການປະຕິຮູບລະບຽບການບໍລິຫານເປັນງ່າຍດາຍ; ຜັນຂະຫຍາຍນະໂຍບາຍປະຕູດຽວຢ່າງຕັ້ງໜ້າກວ່າອີກ ແລະ ປັບໄໝໂທດຕໍ່ປະກົດການຫຍໍ້ທໍຢ່າງເຂັ້ມງວດ.