( vovworld ) - ວັນທີ 30/6, ຢູ່ແຂວງຮ່ານາມ, ຄະນະປະຕິບັດງານລັດຖະບານຫວຽດນາມ ໂດຍທ່ານຮອງນາຍົກລັດຖະມິນຕີຫວຽດນາມ Nguyen Thien Nhan ເປັນຫົວໜ້າຄະນະ ພ້ອມກັບການນຳກະຊວງກະສິກຳ ແລະ ພັດທະນາຊົນນະບົດ, ກະຊວງວິທະຍາສາດ ແລະ ເຕັກໂນໂລຊີ, ບັນດາພະແນກ, ຂະແໜງການທີ່ກ່ຽວຂ້ອງ ໄດ້ລົງຢ້ຽມຢາມຮູບແບບການຜະລິດປຸງແຕ່ງ, ຈຳໜ່າຍເຫັດ, ບັນດາຄອບຄົວລ້ຽງສັດທີ່ນຳໃຊ້ເຕັກນິກດ້ານຊີວະວີທະຍາ ແລະ ເຮັດວຽກກັບການນຳແຂວງຮ່ານາມ. ພາຍຫຼັງຢ້ຽມຢາມຮູບແບບການຜະລິດ, ລ້ຽງສັດ ແລະ ເຮັດວຽກກັບຄະນະກຳມະການປະຊາຊົນແຂວງຮ່ານາມ ແລະ ຮັບຟັງການປະກອບຄຳຄິດຄຳເຫັນຂອງກະຊວງວິທະຍາສາດ ແລະ ເຕັກໂນໂລຊີ ແລະ ກະຊວງກະສິກຳ ແລະ ພັດທະນາຊົນນະບົດ, ສູນກາງສະມາຄົມຊາວກະສິກອນຫວຽດນາມ ແລ້ວ, ທ່ານຮອງນາຍົກລັດຖະມົນຕີ Nguyen Thien Nhan ໄດ້ສະຫຼຸບວ່າ; ລັດຖະບານສະໜັບສະໜູນແຂວງຮ່ານາມ ນຳໃຊ້ເຕັກໂນໂລຊີເພື່ອສືບຕໍ່ພັດທະນາບັນດາມາດຕະການພັດທະນາກະສິກຳ, ແຂວງຄວນນຳໃຊ້ແຫຼ່ງທຶນໃຫ້ແກ່ການຄົ້ນຄວ້າຢ່າງມີໄຫວພິບ, ອາດຈະນຳໃຊ້ແຫຼ່ງກຳລັງຂອງສູນຕ່າງໆເພື່ອຮັບໃຊ້ໃຫ້ແກ່ການພັດທະນາເສດຖະກິດສັງຄົມຂອງທ້ອງຖິ່ນ.