( vovworld ) – ຄືດັ່ງທີ່ພວກເຮົາໄດ້ໃຫ້ຂ່າວໄປແລ້ວ, ຕອນຄໍ່າວັນທີ 5/4, ທ່ານຮອງນາຍົກລັດຖະມົນຕີ Nguyen Thien Nhan ແລະ ຄະນະປະຕິບັດງານລັດຖະບານໄດ້ມີການເຮັດວຽກັບການນຳຫຼັກແຫຼ່ງແຂວງ Cao Bang ແລະ ປັນຍາຊົນໜຸ່ມ 44 ຄົນຂອງໂຄງການທົດລອງເລືອກເອົາ 600 ຄົນເປັນຮອງປະທານຕາແສງຢູ່ 5 ເມືອງຂອງແຂວງ. ກ່າວຄຳເຫັນທີ່ການເຮັດວຽກ, ທ່ານຮອງນາຍົກລັດຖະມົນຕີ Nguyen Thien Nhan ໄດ້ຕີລາຄາສູງຄວາມມານະພະຍາຍາມຂອງບັນດາປັນຍາຊົນໜຸ່ມເມື່ອອາສາສະໝັກ ລົງເຮັດວຽກຢູ່ເຂດຫ່າງໄກສອກຫຼິກ, ພ້ອມທັງຊີ້ແຈ້ງວ່າຮອງປະທານຕາແສງແຕ່ລະຄົນ ຄວນມີສະຕິຕື່ນຕົວໃນການຮໍ່າຮຽນເພື່ອຍົກສູງຄວາມຮູ້ກ່ຽວກັບຂົງເຂດທີ່ຕົນເອງຮັບຜິດຊອບ, ກຳໄດ້ແຜນການພັດທະນາເສດຖະກິດ ສັງຄົມຂອງແຂວງ ແລະ ເມືອງເພື່ອໝູນໃຊ້ເຂົ້າໃນສະພາບຕົວຈິງໃນທ້ອງຖິ່ນເປັນຢ່າງດີ.
“ ຮອງປະທານຕາແສງ 44 ຄົນ ຕ້ອງມີຫົວຄິດປະດິດສ້າງ. ເພື່ອຊອກຫາວິທີສຳພັດກັບປະຊາຊົນຢູ່ຕາແສງຂອງຕົນຢ່າງມີປະສິດທິຜົນ ແລະ ຢູ່ແຕ່ລະທ້ອງຖິ່ນ, ແຕ່ລະເຜົ່າແມ່ນມີວີທີສຳພັດທີ່ແຕກຕ່າງກັນ. ຕ້ອງເຮັດແນວໃດເພື່ອປຸກລະດົມປະຊາຊົນພ້ອມກັນເຮັດ, ພ້ອມກັນເຂົ້າຮ່ວມກັບເຮົາໃຫ້ຫຼາຍສຸດ. ນອກຈາກນັ້ນ, ຄວນມີຫົວຄິດປະດິດສ້າງເພື່ອຊອກຫາມາດຕະການແກ້ໄຂໃຫ້ແກ່ໜ້າທີປະຕິບັດງານຂອງຕົນຢູ່ແຕ່ລະທ້ອງຖິ່ນ ”.
ທ່ານຮອງນາຍົກລັດຖະມົນຕີ Nguyen Thien Nhan ກໍສະເໜີການນຳບັນດາຂັ້ນຄວນເອົາໃຈໃສ່ຊ່ວຍເຫຼືອເພື່ອໃຫ້ບັນດາຮອງປະທານຕາແສງເປັນເຈົ້າການໃນວຽກງານຂອງຕົນ.