( vovworld ) - ໂດຍສືບຕໍ່ການຢ້ຽມຢາມຍີ່ປຸ່ນຢ່າງເປັນທາງການ, ຕອນບ່າຍວັນທີ 2/7, ທ່ານຮອງນາຍົກລັດຖະມົນຕີ Nguyen Xuan Phuc ໄດ້ມີການພົບປະກັບທ່ານລັດຖະມົນຕີການຕ່າງປະເທດຍີ່ປຸ່ນ Koichiro Gemba, ທີ່ການພົບປະ, ທ່ານຮອງນາຍົກລັດຖະມົນຕີ Nguyen Xuan Phuc ແລະ ທ່ານລັດຖະມົນຕີການຕ່າງປະເທດGemba ໄດ້ຕີລາຄາສູງການພັດທະນາຢ່າງວ່ອງໄວ, ຮອບດ້ານຂອງການພົວພັນຮ່ວມມືຍຸກທະສາດຫວຽດນາມ - ຍີ່ປຸ່ນ ໃນໄລຍະທີ່ຜ່ານມາ. ສອງຝ່າຍເຫັນດີຄວນສືບຕໍ່ຮັກສາ, ຊຸກຍູ້ບັນດາການຢ້ຽມຢາມ ແລະ ການພົບປະຂັ້ນສູງ, ເພີ່ມທະວີປະສິດທິຜົນບັນດາກົນໄກເຈລະຈາລະຫວ່າງສອງປະເທດຄື ຄະນະກຳມະການຮ່ວມມືຫວຽດນາມ - ຍີ່ປຸ່ນ, ການເຈລະຈາຄູ່ຮ່ວມມືຍຸດທະສາດຂັ້ນຮອງລັດຖະມົນຕີການຕ່າງປະເທດ… ທ່ານຮອງນາຍົກລັດຖະມົນຕີ Nguyen Xuan Phuc ສະເໜີໃຫ້ທ່ານລັດຖະມົນຕີການຕ່າງປະເທດ Gemba ເອົາໃຈໃສ່ຊີ້ນຳ ເພື່ອໃຫ້ສອງຝ່າຍສືບຕໍ່ສົມທົບກັນໃນການຜັນຂະຫຍາຍບັນດາຂໍ້ຕົກລົງຂອງການນຳຂັ້ງສູງສອງປະເທດຢ່າງມີປະສິດທິຜົນ, ໃນນັ້ນມີບັນດາໂຄງການສຳຄັນຄື ກໍ່ສ້າງໂຮງງານໄພຟ້ານິວເຄຼີຍ ນິງທ້ວນ 2, ພັດທະນາຂະແໜງອຸດສາຫະກຳດິນຊະນິດທີ່ຫາຍາກຂອງຫວຽດນາມ… ທ່ານຮອງນາຍົກລັດຖະມົນຕີ Nguyen Xuan Phuc ກໍສະເໜີວ່າ ສອງຝ່າຍຄວນເພີ່ມທະວີການພົບປະແລກປ່ຽນປະຊາຊົນ, ພິເສດແມ່ນບັນດາການເຄື່ອນໄຫວພົບປະແລກປ່ຽນຂອງຊາວໜູ່ມເຍົາວະຊົນໃນສະພາບທີ່ສອງປະເທດຈະຈັດຕັ້ງປີມິດຕະພາບຫວຽດນາມ - ຍີ່ປຸ່ນ ເນື່ອງໃນໂອກາດສະເຫຼີມສະຫຼອງ 40 ປີແຫ່ງວັນສ້າງສາຍພົວພັນທາງການທູດໃນປີ 2013.