ທ່ານຮອງນາຍົກລັດຖະມົນຕີ ຝ້າມບິນມິນເຈລະຈາກັບ ລັດຖະມົນຕີການຕ່າງປະເທດອົດສະຕາລີ
ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິນມິນ |
(vovworld)- ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິນມິນ ໄດ້ໄປຢ້ຽມຢາມອົດສະຕາລີຢ່າງເປັນທາງການແຕ່ວັນທີ 29/11-1/12. ໃນຂອບເຂດການຢ້ຽມຢາມ, ຕອນເຊົ້າວັນທີ 30/11, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິນມິນ ໄດ້ເຈລະຈາກັບລັດຖະມົນຕີການຕ່າງປະເທດ ອົດສະຕາລີ Julie Bishop. ທີ່ການເຈລະຈາ, 2 ຝ່າຍໄດ້ເຫັນດີກ່ຽວກັບບັນດາມາດຕະການລະອຽດແນໃສ່ປັບປຸງສາຍພົວພັນມິດຕະພາບໃນຫຼາຍຂົງເຂດ. ທ່ານລັດຖະມົນຕີການຕ່າງປະເທດ ອົດສະຕາລີ Julie Bishop ຢືນຢັນວ່າ ອົດສະຕາລີສະໜັບສະໜູນຫວຽດນາມເປັນປະທານກອງປະຊຸມສຸດຍອດ APEC ປີ 2017 ຢ່າງສຳເລັດຜົນ; ສະໜັບສະໜູນອາຊຽນແຫ່ງສາມັກຄີ, ເປັນເອກະພາບ, ເສີມຂະຫຍາຍບົດບາດເປັນໃຈກາງໃນໂຄງປະກອບພາກພື້ນ. ອົດສະຕາລີຢືນຢັນທັດສະນະສະເໝີຕົ້ນສະເໝີປາຍກ່ຽວກັບບັນຫາທະເລຕາເວັນອອກ, ເຊີດຊູການຮັບປະກັນສັນຕິພາບ, ສະຖຽນລະພາບ, ຄວາມໝັ້ນຄົງ, ປອດໄພ ແລະ ເສລີພາບໃນການເດີນທະເລ, ການບິນຢູ່ທະເລຕາເວັນອອກ. ແກ້ໄຂການຂັດແຍ້ງດ້ວຍມາດຕະການໂດຍສັນຕິວິທີ, ສອດຄ່ອງກັບກົດໝາຍສາກົນ, ໃນນັ້ນມີສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982, ບໍ່ນຳໃຊ້ອາວຸດຫຼືນາບຂູ່ນຳໃຊ້ກຳລັງອາວຸດ.
ພາຍຫຼັງການເຈລະຈາ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຝ້າມບິນມິນ ແລະ ລັດຖະມົນຕີການຕ່າງປະເທດ ອົດສະຕາລີ Julie Bishop ໄດ້ລົງນາມໃນໂຄງການເຄື່ອນໄຫວຫວຽດນາມ- ອົດສະຕາລີໄລຍະ 2016-2019.