ທ່ານຮອງນາຍົກລັດຖະມົນຕີ ວູ້ວັນນິງ ລົງເຮັດວຽກຢູ່ແຂວງ ດ້ຽນບຽນ
ທ່ານຮອງນາຍົກລັດຖະມົນຕີ ຫວຽດນາມ ວູ້ວັນນິງເຮັດວຽກກັບການນຳແຂວງດ້ຽນບຽນ (ພາບ: baodientuchinhphu)
|
(vovworld)- ໃນລະຫວ່າງວັນທີ 8-9/1, ທ່ານຮອງນາຍົກລັດຖະມົນຕີ ຫວຽດນາມ ວູ້ວັນນິງ ໄດ້ນຳໜ້າຄະນະປະຕິບັດງານຂອງລັດຖະບານຫວຽດນາມ ລົງເຮັດວຽກຢູ່ແຂວງ ດ້ຽນບຽນກ່ຽວກັບສະພາບການປະຕິບັດການພັດທະນາເສດຖະກິດ-ສັງຄົມປີ 2013; ແຜນການປີ 2014. ເມື່ອເຮັດວຽກກັບການນຳແຂວງ, ທ່ານຮອງນາຍົກລັດຖະມົນຕີ ຫວຽດນາມ ວູ້ວັນນິງ ສະເໜີແຂວງດ້ຽນບຽນຄວນສືບຕໍ່ຜັນຂະຫຍາຍບັນດາແຜນນະໂຍບາຍ, ແນວທາງນະໂຍບາຍຂອງພັກ ແລະ ລັດ, ຍູ້ແຮງການພັດທະນາການຜະລິດ, ສ້າງຊີວິດການເປັນຢູ່ໃຫ້ແກ່ປະຊາຊົນເປັນປົກກະຕິ; ສືບຕໍ່ຂົນຂວາຍປະຊາຊົນ, ພະນັກງານໃນທົ່ວແຂວງ ຈົ່ງປະຕິບັດໂຄງການກໍ່ສ້າງຊົນນະບົດໃໝ່. ໃນຂອບເຂດການລົງປະຕິບັດງານ, ທ່ານຮອງນາຍົກລັດຖະມົນຕີ ຫວຽດນາມ ວູ້ວັນນິງ ໄດ້ຖະຫວາຍດອກໄມ້, ທູບທຽນບູຊາອາໄລຫາບັນດານັກຮົບທີ່ໄດ້ເສຍສະຫຼະຊີວິດເພື່ອຊາດທີ່ເຂດສຸສານ ດົກເລິບ ເມືອງ ດ້ຽນບຽນ.