(vovworld) - ໃນຂອບເຂດການຢ້ຽມຢາມແຂວງ ຢຸນໜານ, ປະເທດຈີນ ແລະ ເຂົ້າຮ່ວມພິທີໄຂງານຕະຫຼາດນັດອາຊີ - ອາຊີໃຕ້ ຄັ້ງທຳອິດ; ງານຕະຫຼາດນັດ ກວນໝິງ 2013, ຕອນຄໍ່າວັນທີ 04/06, ທ່ານຮອງນາຍົກລັດຖະມົນຕີ ຫວູວັນນິງ ໄດ້ຕ້ອນຮັບເຈົ້າແຂວງແຂວງ ຢຸນໜານ ຫຼີຈີເຫຼິງ. ກ່າວຄຳເຫັນທີ່ການຕ້ອນຮັບ, ທ່ານຮອງນາຍົກລັດຖະມົນຕີ ຫວູວັນນິງ ຖືວ່າ ປະຈຸບັນຄວາມສາມາດບົມຊ້ອນດ້ານການຮ່ວມມືລະຫວ່າງບັນດາທ້ອງຖິ່ນຂອງຫວຽດນາມ ກັບແຂວງຢຸນໜານຍັງໃຫຍ່ຫຼວງຢູ່, ການນຳບັນດາທ້ອງຖິ່ນຂອງ 2 ຝ່າຍຕ້ອງສືບຕໍ່ຊອກຫາບັນດາມາດຕະການຢ່າງຕັ້ງໜ້າ, ຊຸກຍູ້ການພົວພັນແລກປ່ຽນການຮ່ວມມືລະຫວ່າງ 2 ປະເທດໃນທຸກຂົງເຂດຄື ເສດຖະກິດ, ການຄ້າ, ການທ່ອງທ່ຽວ, ວັດທະນະທຳ ກວ່າອີກ. ພິເສດແມ່ນສ້າງເງື່ອນໂຂສະດວກໃຫ້ວິສາຫະກິດ 2 ຝ່າຍຮ່ວມມືທຳມາຫາກິນ, ປະກອບສ່ວນເຂົ້າໃນການຊຸກຍູ້ການພົວພັນຮ່ວມມືລະຫວ່າງ 2 ປະເທດຫວຽດນາມ - ຈີນ. ທ່ານຮອງນາຍົກລັດຖະມົນຕີ ຫວູວັນນິງ ໃຫ້ຮູ້ວ່າ ລັດຖະບານຫວຽດນາມ ສະໜັບສະໜູນ ກໍຄືສ້າງເງື່ອນໄຂສະດວກເພື່ອໃຫ້ບັນດາແຂວງທາງພາກເໜືອຫວຽດນາມ ເພີ່ມທະວີການຮ່ວມມືກັບບັນດາແຂວງທາງພາກໃຕ້ຂອງຈີນ, ໃນນັ້ນມີແຂວງ ຢຸນໜານ. ຫວຽດນາມ ກໍພວມຍູ້ແຮງການສ້າງຕັ້ງເສັ້ນທາງດ່ວນ ຮ່າໂນ້ຍ - ລາວກາຍ, ຮ່າໂນ້ຍ - ກວາງນິງ ແລະ ບັນດາໂຄງການກໍ່ສ້າງເສັ້ນທາງລົດໄຟທີ່ກ່ຽວຂ້ອງ, ເພື່ອສ້າງເງື່ອນໄຂສະດວກໃຫ້ແກ່ການແລກປ່ຽນການຄ້າ, ກໍຄືການໄປມາຂອງປະຊາຊົນລະຫວ່າງບັນດາທ້ອງຖິ່ນຕ່າງໆຂອງ 2 ຝ່າຍ.