ທ່ານ ເຈືອງຮ່ວາບີ່ງ ຕ້ອນຮັບ ຄະນະຜູ້ແທນຜູ້ມີ
ຄຸນງາມຄວາມດີຕໍ່ການປະຕິວັດ ແຂວງ ກ່າເມົາ
(ພາບ: VGP)
(vovworld) - ຕອນບ່າຍວັນທີ 29/7, ຢູ່ສຳນັກງານລັກຖະບານ, ທ່ານ ເຈືອງຮ່ວາບີ່ງ ກຳມະການກົມການເມືອງ, ຮອງນາຍົກລັດຖະມົນຕີ ໄດ້ໃຫ້ການຕ້ອນຮັບ ຄະນະຜູ້ແທນຜູ້ມີຄຸນງາມຄວາມດີຕໍ່ການປະຕິວັດ ແຂວງ ກ່າເມົາ, ເນື່ອງໃນໂອກາດ ຄະນະ ມາຢ້ຽມຢາມນະຄອນຫຼວງ ຮ່າໂນ້ຍ ແລະ ເຂົ້າສູສານ ໄວ້ອາໄລປະທານ ໂຮ່ຈີມິນ. ໃນການຕ້ອນຮັບ, ທ່ານ ເຈືອງຮ່ວາບີ່ງ ຮອງນາຍົກລັດຖະມົນຕີ ຢືນຢັນວ່າ: ພັກ, ລັດ ຍາມໃດກໍ່ຮັບຮູ້ບຸນຄຸນ ແລະ ສ້າງເງື່ອນໄຂສະດວກໃຫ້ບັນດາຜູ້ມີຄຸນງາມຄວາມດີ; ຈັດຕັ້ງບັນດາຂະບວນການ “ຕອບບຸນແທນຄຸນ” ຕໍ່ຜູ້ທີ່ມີຄູນງາມຄວາມດີ, ຄອບຄົວເປົ້າໝາຍນະໂຍບາຍເປັນປະຈຳ. ທ່ານ ຮອງນາຍົກລັດຖະມົນຕີ ປາດຖະໜາວ່າ ຜູ້ມີຄຸນງາມຄວາມດີແຂວງ ກ່າເມົາ ສືບຕໍ່ເສີມຂະຫຍາຍມູນເຊື້ອປະຕິວັດ, ເຈດຈຳນົງຂອງນັກຮົບກອມມູນິດ, ເປັນແບບຢ່າງທີ່ດີໃຫ້ລຸ້ນໜຸ່ມ, ກ່ອນອື່ນໝົດແມ່ນຕ້ອງຂົນຂວາຍຄອບຄົວ, ສຶກສາລູກຫຼານປະຕິບັດແຜນນະໂຍບາຍຂອງພັກ, ນະໂຍບາຍ ແລະ ກົດໝາຍຂອງລັດ.