ທ່ານຮອງນາຍົກລັດຖະມົນຕີຟ້າມບີງມີງເຈລະຈາກັບລັດຖະມົນຕີການຕ່າງປະເທດສປປເກົາຫລີ
ທ່ານ Ri Su Yong, ລັດຖະມົນຕີການຕ່າງປະເທດ ສປປ ເກົາຫລີ
ພາບ:new.go.vn
|
(vovworld)- ວັນທີ 6/8, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ຟ້າມບີງມີງ ໄດ້ເຈລະຈາກັບທ່ານ Ri Su Yong, ລັດຖະມົນຕີການຕ່າງປະເທດ ສປປ ເກົາຫລີ ພວມຢ້ຽມຢາມຫວຽດນາມ ຢ່າງເປັນທາງການ. ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ຟ້າມບີງມີງ ຢືນຢັນວ່າ ຍາມໃດຫວຽດນາມ ກໍຖືເປັນສຳຄັນ ແລະ ປາດຖະຫນາຢາກເພີ່ມທະວີການຮ່ວມມືມິດຕະພາບກັບ ສປປ ເກົາຫລີ, ຊົມເຊີຍສອງປະເທດສືບຕໍ່ຮັກສາການແລກປ່ຽນຄະນະຜູ້ແທນ ບັນດາກະຊວງ, ຂະແຫນງການ ເພື່ອເພີ່ມທະວີຄວາມເຂົ້າອົກເຂົ້າໃຈເຊິ່ງກັນ ແລະກັນ, ຕັ້ງຫນ້າຊອກຮູ້ບັນດາມາດຕະການ ແລະ ຮູບການເໝາະສົມເພື່ອນຳການພົວພັນຮ່ວມມືດ້ານເສດຖະກິດ, ການຄ້າ, ວັດທະນະທຳ, ກິລາ ມີບາດກ້າວພັດທະນາໃຫມ່ເໝາະສົມກັບຄວາມສາມາດບົ່ມຊ້ອນ ແລະ ເງື່ອນໄຂຂອງແຕ່ລະປະເທດ. ທ່ານລັດຖະມົນຕີ Ri Su Yong ຖືວ່າ: ການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ ແລະ ສປປ ເກົາຫລີ ແມ່ນຊັບສົມບັດອັນລຳ້ຄ່າຂອງສອງຊາດ. ສອງຝ່າຍ ຄວນຮັກສາ ແລະ ຕັ້ງຫນ້າເສີມຂະຫຍາຍ. ຝ່າຍ ສປປ ເກົາຫລີ ປາດຖະຫນາຢາກໃຫ້ສອງກະຊວງການຕ່າງປະເທດ ເສີມຂະຫຍາຍບົດບາດຊຸກຍູ້ການພົວພັນຮ່ວມມືລະຫວ່າງສອງປະເທດ, ເພີ່ມທະວີການສົມທົບ ແລະ ຮ່ວມມືໃນບັນດາບັນຫາສາກົນ ແລະພາກພື້ນ. ສອງຝ່າຍກໍໄດ້ແລກປ່ຽນບັນດາບັນຫາສາກົນ, ພາກພື້ນ ແະ ບັນຫາຕ່າງໆທີ່ຕ່າງຝ່າຍຕ່າງມີຄວາມສົນໃຈ, ໃນນັ້ນ ມີບັນຫາແຫລມເກົາຫລີ ແລະ ທະເລຕາເວັນອອກ.