ທ່ານ​ຮອງ​ນາຍົກລັດຖະມົນຕີ ຟ້າ​ມບີ​ງມີ​ງ photo:nld.com

(vovworld)- ກ່ຽວ​ຂ້ອງ​ເຖິງ​ເລື່ອງ​ເຮືອບິນ MH370 ຂອງ​ບໍລິສັດ​ການ​ບິນ​ Malaysia Airlines ຖື​ກຫາຍ​ສາບ​ສູນ, ຕອນ​ບ່າຍ​ວັນ​ທີ 8/3, ທ່ານ​ຮອງ​ນາຍົກລັດຖະມົນຕີ, ທັງ​ເປັນ​ລັດຖະມົນຕີ​ການ​ຕ່າງປະ​ເທດ ຫວຽດນາມ ຟ້າ​ມບີ​ງມີ​ງ ​ໄດ້​ໂອ້​ລົມ​ທາງ​ໂທລະສັບ​ກັບ​ທ່ານ Dato Sri Anifah Hj Aman, ລັດຖະມົນຕີ​ການ​ຕ່າງປະ​ເທດ ມາ​ເລ​ເຊຍ. ທ່າ​ນຮອງ​ນາຍົກລັດຖະມົນຕີ ຟ້າ​ມບີ​ງມີ​ງ ສະ​ແດງ​ຄວາມ​​ແບ່ງ​​ເບົາ ​ແລະ ​ເອົາ​ໃຈ​ໃສ່ຢ່າງ​ເລິກ​ເຊິ່ງຕໍ່​ກັບ​ລັດຖະບານ, ປະຊາຊົນ ມາ​ເລ​ເຊຍ ​ແລະ ບັນດາ​ປະ​ເທດ​ກ່ຽວ​ຂ້ອງກໍ​ຄື​ຄອບຄົວ​ຂອງ​ບັນດາ​ຜູ້​ໂດຍສານ​ໃນ​ເຮືອບິນ​ດັ່ງກ່າວ. ທ່ານ​ຮອງ​ນາຍົກລັດຖະມົນຕີ ​ໃຫ້​ຮູ້​ວ່າ: ນັບ​ແຕ່​ເມື​່ອ​ໄດ້​ຮັບ​ຂ່າວ​ຄາວກ່ຽວ​ກັບ​ເຮືອບິນ​ຖືກ​ຫາຍ​ສາບ​ສູນ​​ໃນ​ຕອນ​ເຊົ້າ​ວັນ​ທີ 8/3,ທ່ານ​ນາຍົກລັດຖະມົນຕີ ຫວຽດນາມ ຫງວຽນ​ເຕີນ​ຢູງ ມີ​ຄວາມ​ເອົາ​ໃຈ​ໃສ່ທີ່​ສຸດ ​ແລະ ສ​ະ​ເຫ​ນີ​ໃຫ້​ບັນດາ​ອົງການ​ກ່ຽວ​ຂ້ອງ​ຫວຽດນາມ ສົມທົບ​ກັນ​ຢ່າງ​ແຫນ້ນ​​ແຟ້ນກັບ ມາ​ເລ​ເຊຍ ​ເພື່ອ​ຜັນ​ຂະຫຍາຍ​ບັນດາ​ກຳລັງ ​ແລະ ພາຫະນະ, ມາດ​ຕະການ​ຊອກ​ຫາ​ກູ້​ໄພ​ກູ້​ຊີບ. ທ່ານ​ຮອງ​ນາຍົກລັດຖະມົນຕີ ຟ້າ​ມບີ​ງມີ​ງ ​ໄດ້​ປະກາດ​ວ່າ: ບັນດາ​ອົງການ​ຊອກຫາກູ້ໄພກູ້ຊີບຫວຽດນາມ ພວມມານະພະຍາຍາມຈົນສຸດຄວາມສາມາດຂອງ​ຕົນ​ເພື່ອ​ຊອກ​ຫາ​ເຮືອບິນ​ລຳ​ດັ່ງກ່າວ. ທ່າ​ນລັດຖະມົນຕີ​ການ​ຕ່າງປະ​ເທດ ມາ​ເລ​ເຊຍ A man ສະ​ແດງ​ຄວາມ​ຂອບ​ອົກ​ຂອບ​ໃຈ​ຂອງລັດຖະບານ, ປະຊາຊົນ ມາ​ເລ​ເຊຍ​ກ່ຽວກັບ​ການ​ຫນູນ​ຊ່ວຍ​ຢ່າງ​ທັນ​ການ​ຂອງ​ຫວຽດນາມ.