ທ່ານຮອງນາຍົກລັດຖະມົນຕີ ຫງວຽນຊວນຟຸກ
ພາບ:chinhphu.vn
|
(vovworld)- ຕອນເຊົ້າວັນທີ 13/6, ທ່ານຮອງນາຍົກລັດຖະມົນຕີ ຫງວຽນຊວນຟຸກ ຕາງຫນ້າໃຫ້ລັດຖະບານ ເຮັດແຈ້ງບາງບັນຫາຊື່ງສະມາຊິກສະພາແຫ່ງຊາດ (ສສຊ) ແລະ ຜູ້ມີສິດເລືອກຕັ້ງໃນທົ່ວປະເທດສົນໃຈ ພ້ອມທັງຕອບຄຳຊັກຖາມຂອງບັນດາ ສສຊ ກ່ຽວຂ້ອງເຖິງບັນດາບັນຫາໃຫຍ່ໃນຈຸດໝາຍ, ຫນ້າທີ່ ແລະ ມາດຕະການຊີ້ນຳບໍລິຫານພື້ນຖານເສດຖະກິດກໍຄືບັນດາບັນຫາຮ້ອນເຮັ່ງ ຊື່ງຜູ້ມີສິດເລືອກຕັ້ງສົນໃຈ.
ເມື່ອເຕື້ອງການຊີ້ນຳ, ບໍລິຫານເສດຖະກິດສັງຄົມໃນເດືອນ 5 ແລະ 5 ເດືອນຕົ້ນປີ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໄດ້ຢືນຢັນ: ພື້ນຖານເສດຖະກິດ ຫວຽດນາມສືບຕໍ່ບັນລຸຫລາຍໝາກຜົນໃນຫລາຍຂົງເຂດ. ເຖິງຢ່າງໃດກໍຕາມ, ເສດຖະກິດ ສັງຄົມ ຫວຽດນາມ ຍັງປະສົບກັບຄວາມຫຍຸ້ງຍາກ ແລະ ສິ່ງທ້າທາຍຫລາຍຢ່າງ. ເພາະສະນັ້ນ ໃນໄລຍະຈະມາເຖິງ, ລັດຖະບານ ສຸມໃສ່ຊີ້ນຳບັນດາກະຊວງ, ຂະແຫນງການ, ທ້ອງຖິ່ນຕິດຕາມຢ່າງໃກ້ຊິດ ແລະ ເປັນເຈົ້າການຮັບມືກັບການຜັນແປສະພາບການ, ສືບຕໍ່ຜັນຂະຫຍາຍບັນດາຫນ້າທີ່, ມາດຕະການທີ່ວາງອອກຢ່າງຂ້ຽວຂາດ, ຄົບຊຸດ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ເນັ້ນຫນັກວ່າ:
“ທີຫນຶ່ງແມ່ນ ສືບຕໍ່ປະຕິບັດແຜນຮ່າງສ້າງໂຄງປະກອບຂະແຫນງກະສິກຳຄືນໃຫມ່ຢ່າງມີປະສິດທິຜົນ. ທີສອງ ແມ່ນຊຸກຍູ້ການເປີດກ້ວາງງຕະຫລາດສົ່ງອອກຜະລິດຕະພັນກະເສດ. ທີສາມ ປະຕິບັດແຜນຮ່າງພັດທະນາຕະຫລາດພາຍໃນປະເທດຕິດພັນກັບບັ້ນຂົນຂວາຍ ຊາວຫວຽດນາມ ບຸລິມະສິດຊົມໃຊ້ສິນຄ້າຫວຽດນາມຢ່າງມີປະສິດທິຜົນ. ທີສີ່ ສືບຕໍ່ສຳຫລວດກວດກາ, ສ້າງກົນໄກ, ນະໂຍບາຍ, ກົດໝາຍໃຫ້ສົມບູນແບບ, ຍູ້ແຮງການປະຕິຮູບສະພາບແວດລ້ອມແຫ່ງການດຳເນີນທຸລະກິດ, ສ້າງຄວາມສະດວກໃຫ້ວິສາຫະກິດ, ປະຊາຊົນ.”
ບົດລາຍງານອະພິປາຍກ່ຽວກັບບາງບັນຫາຊື່ງ ສສຊ ແລະ ຜູ້ມີສິດເລືອກຕັ້ງສົນໃຈ, ທ່ານຮອງນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ: ກ່ຽວກັບນະໂຍບາຍຫລຸດຜ່ອນຄວາມທຸກຍາກແບບຍືນຍົງ, ເປັນຕົ້ນແມ່ນສຳລັບຊາວຊົນເຜົ່າສ່ວນຫນ້ອຍ, ໃນຊຸມປີຜ່ານມາ ເຖິງວ່າ ງົບປະມານແຫ່ງລັດຍັງຈຳກັດຢູ່ ແຕ່ຂົງເຂດຫລຸດຜ່ອນຄວາມທຸກຍາກ ສືບຕໍ່ໄດ້ຮັບບຸລິມະສິດ.