![ທ່ານຮອງນາຍົກລັດຖະມົນຕີຫງວຽນຊວນຟຸກເປັນປະທານກອງປະຊຸມຄະນະກຳມາທິການຮ່ວມມືຫວຽດນາມ-ລາວ - ảnh 1](https://photo-cms-vovworld.zadn.vn/w730/uploaded/vovworld/bcgmbuiq/2014_10_03/viet_lao1_taxb.jpg)
ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ
ກ່າວຄຳເຫັນທີ່ກອງປະຊຸມ
ພາບ:internet
|
(vovworld)- ຕອນບ່າຍວັນທີ 3/10 ຢູ່ ຮ່າໂນ້ຍ, ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ, ປະທານ ຄະນະກຳມາທິການຮ່ວມມື ຫວຽດນາມ - ລາວ ເປັນປະທານກອງປະຊຸມກ່ຽວກັບສະພາບການປະຕິບັດບັນດາຫນ້າທີ່ຮ່ວມມືລະຫວ່າງຄະນະກຳມາທິການ ຫວຽດນາມ ແລະ ລາວ ປີ 2014.
ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ຫງວຽນຊວນຟຸກ, ປະທານຄະນະກຳມາທິການຮ່ວມມື ຫວຽດນາມ - ລາວ ເນັ້ນຫນັກວ່າ: ການພົວພັນລະຫວ່າງຫວຽດນາມ ແລະ ລາວ ແມ່ນການພົວພັນຍຸດທະສາດ, ພິເສດ ກ່ຽວກັບທຸກດ້ານການເມືອງ, ເສດຖະກິດ, ສັງຄົມ. ກອງປະຊຸມຄັ້ງນີ້ ແມ່ນຕີລາຄາ, ສຳຫລວດກວດຄືນໝາກຜົນແຫ່ງການຫັນໝາກຜົນຂອງກອງປະຊຸມຄັ້ງທີ 36 ຄະນະກຳມະການລະຫວ່າງລັດຖະບານ ຫວຽດນາມ - ລາວ ໃນບັນດາຂົງເຂດຮ່ວມມືໃຫ້ປະກົດຜົນເປັນຈິງ. ຈາກນັ້ນ ກະກຽມເນື້ອໃນ, ແຜນການລະອຽດທີ່ກອງປະຊຸມຄັ້ງທີ 37 ຂອງຄະນະກຳມະການລະຫວ່າງລັດຖະບານ ຫວຽດນາມ - ລາວ ຈັດຂຶ້ນໃນໄລຍະຈະມາເຖິງ.