ທ່ານຮອງນາຍົກລັດຖະມົນຕີຫງວຽນຊວນຟຸກເປັນປະທານກອງປະຊຸມ
ສະພາທີ່ປຶກສາອະໄພຍະໂທດປີ 2013
|
(vovworld)- ຕອນເຊົ້າວັນທີ 19/8 ຢູ່ ຮ່າໂນ້ຍ, ສະພາທີ່ປຶກສາອະໄພຍະໂທດປີ 2013 ຈັດກອງປະຊຸມເພື່ອພິຈາລະນາສຳເນົາເອກະສານ, ບັນຊີລາຍຊື່, ຜູ້ໄດ້ຮັບສະເຫນີອະໄພຍະໂທດປີ 2013. ກ່າວຄຳເຫັນນະທີ່ນີ້, ທ່ານຮອງນາຍົກລັດຖະມົນຕີ ຫງວຽນຊວນຟຸກ, ປະທານສະພາອະໄພຍະໂທດປີ 2013 ຢືນຢັນວ່າ: ການອະນຸໂລມ ແລະ ມະນຸດສະທຳ ແມ່ນນະໂຍບາຍໃຫຍ່ຂອງພັກ ແລະ ລັດຫວຽດນາມ ສຳລັບວຽກງານຕໍ່ສູ້ປ້ອງກັນ ແລະ ຕ້ານອາດຊະຍາກຳເວົ້າລວມ ແລະ ອະໄພຍະໂທດເວົ້າສະເພາະ. ນັບແຕ່ປີ 2009 ມາຮອດປະຈຸບັນ, ຫວຽດນາມ ໄດ້ປະຕິບັດການອະໄພຍະໂທດ, ປ່ອຍຕົວນັກໂທດກ່ອນກຳນົດເວລາໃຫ້ແກ່ນັກໂທດກວ່າ 48.000 ຄົນ. ຕາມທ່ານຮອງນາຍົກລັດຖະມົນຕີ ແລ້ວ, ເພື່ອປະຕິບັດວຽກງານອະໄພຍະໂທດໄດ້ຮັບການປະຕິບັດຖືກຕ້ອງກັບກົດໝາຍ, ວຽກງານພິຈາລະນາຕ້ອງປະຕິບັດຢ່າງເຂັ້ມງວດ, ເປີດເຜີຍ, ໂປ່ງໃສ, ຕ້ອງຊັ່ງຊາລະມັດລະວັງໃນແຕ່ລະກໍລະນີ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ສະເຫນີວ່າ:
“ພ້ອມກັບການກວດກາສຳເນົາເອກະສານສະເຫນີອະໄພຍະໂທດ ຕາມການກຳນົດຂອງກົດໝາຍ ຕ້ອງເອົາໃຈໃສ່ເຖິງວຽກງານຫລັງການອະໄພຍະໂທດ, ເຈືອຈານເຂົ້າກັບວົງຄະນາຍາດ. ໃນນັ້ນ ລັດຖະບານໄດ້ປະກາດໃຊ້ດຳລັດເລກທີ 80 ກ່ຽວກັບການໂຄສະນາ, ຍົກສູງຄວາມຮັບຮູ້ ແລະ ຄວາມຮັບຜິດຊອບຂອງທຸກຂັ້ນ, ຂະແຫນງການ, ອົງການຈັດຕັ້ງສັງຄົມ ແລະ ໝູ່ມະຫາຊົນ ເພື່ອລົບລ້າງຄວາມປົມດ້ອຍ, ການປະພຶດສຳລັບຜູ້ໄດ້ຮັບອະໄພຍະໂທດ. ພ້ອມທັງ ສອນວິຊາຊີບ ແລະ ສ້າງວຽກເຮັດງານໃຫ້ແກ່ເຂົາເຈົ້າ. ”