(vovworld)- ຕອນບ່າຍວັນທີ 28/1 ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຫວູວັນນີງ ເປັນປະທານການປະຊຸມກັບກະຊວງ, ຂະແຫນງການຈຳນວນຫນຶ່ງ ກ່ຽວກັບການຜັນຂະຫຍາຍປະຕິບັດດຳລັດເລກທີ 67 ກ່ຽວກັບບາງນະໂຍບາຍຫນູນຊ່ວຍ, ພັດທະນາສິນໃນນ້ຳ. ກ່າວຄຳເຫັນທີ່ກອງປະຊຸມ, ທ່ານຮອງນາຍົກລັດຖະມົນຕີ ຫວູວັນນີງ ຢືນຢັນວ່າ: ດຳລັດເລກທີ 67 ແມ່ນແຜນນະໂຍບາຍ, ນະໂຍບາຍໃຫຍ່ຂອງພັກ ແລະ ລັດ ມີລັກສະນະຍາວນານ. ທ່ານຮອງນາຍົກລັດຖະມົນຕີ ຫວູວັນນີງ ສະເຫນີວ່າ:
“ພວກເຮົາໄດ້ກຳນົດຢ່າງຖືກທິດ ແລະ ຜັນຂະຫຍາຍໝາກຜົນເບື້ອງຕົ້ນຈຳນວນຫນຶ່ງ. ຄວນສືບຕໍ່ຢືດໝັ້ນຄາດໝາຍ, ນະໂຍບາຍທີ່ໄດ້ວາງອອກ, ພັດທະນາການຜະລິດສົມທົບກັບການປົກປັກຮັກສາອະທິປະໄຕເຂດຊາຍແດນ, ເຂດທະເລ, ໝູ່ເກາະ, ຈັດຕັ້ງການຜະລິດອາຊີບຫາປາຄືນໃຫມ່, ຂຸດຄົ້ນສິນໃນນ້ຳ; ຕັ້ງຫນ້າຜັນຂະຫຍາຍການປະຕິບັດຢ່າງຖືກຕ້ອງກັບກົດໝາຍ ແລະ ແຫນ້ນແຟ້ນ, ຖືກກັບເປົ້າໝາຍ, ບໍ່ປະໃຫ້ຜູ້ຄົນບໍ່ດີສວຍໃຊ້ນະໂຍບາຍ.”
ທ່ານຮອງນາຍົກລັດຖະມົນຕີ ຫວູວັນນີງ ກໍໃສ່ໃຈກ່ຽວກັບນະໂຍບາຍກ່ຽວກັບການລົງທຶນ, ບັນດາກະຊວງ, ຂະແຫນງການ ຄວນສືບຕໍ່ສົມທົບກັນ, ຂຸດຄົ້ນບັນດາແຫລ່ງທຶນອື່ນ ເພື່ອນຳເຂົ້າເຄື່ອນໄຫວ. ພ້ອມທັງສ້າງເງື່ອນໄຂສະດວກທີ່ສຸດເພື່ອໃຫ້ປະຊາຊົນໄດ້ກູ້ຢືມທຶນ ຕາມດຳລັດເລກທີ 67 ໄດ້ກຳນົດ.