ທ່ານຮອງນາຍົກລັດຖະມົນຕີຮ່ວາງຈູງຫາຍຕ້ອນຮັບລັດຖະມົນຕີການຄ້າຊູແອດ
ທ່ານຮອງນາຍົກລັດຖະມົນຕີ ຮ່ວາງຈູງຫາຍ ຕ້ອນຮັບທ່ານ Gunnar Oom ລັດຖະມົນຕີກະຊວງການຄ້າ ຊູແອດ
ພາບ:chinhphu.vn
|
(vovworld)- ຕອນບ່າຍວັນທີ 18/9 ຢູ່ສຳນັກງານລັດຖະບານ, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ໄດ້ໃຫ້ການຕ້ອນຮັບທ່ານ Gunnar Oom ລັດຖະມົນຕີກະຊວງການຄ້າ ຊູແອດທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ທີ່ການຕ້ອນຮັບ, ທ່ານຮອງນາຍົກລັດຖະມົນຕີ ຮ່ວາງຈູງຫາຍ ຢືນຢັນວ່າ: ຍາມໃດຫວຽດນາມ ກໍຈົດຈຳ ແລະ ຂອບອົກຂອບໃຈການສະຫນັບສະຫນັບອັນລຳ້ຄ່າ ແລະ ການຊ່ວຍເຫລືອຂອງລັດຖະບານ ແລະ ປະຊາຊົນ ຊູແອດທີ່ສະຫງວນໃຫ້ແກ່ຫວຽດນາມໃນການຕໍ່ສູ້ປົດປ່ອຍຊາດກ່ອນນີ້ ກໍຄືໃນກິດຈະການສ້າງສາ ແລະ ປົກປັກຮັກສາປະເທດຊາດປະຈຸບັນ. ທ່ານຮອງນາຍົກລັດຖະມົນຕີ ຮ່ວາງຈູງຫາຍ ຊົມເຊີຍເລື່ອງ ຫວ່າງແລ້ວນີ້ ຊູແອດມີບັນດາການເຄື່ອນໄຫວຕັ້ງຫນ້າເພື່ອຊຸກຍູ້ການພົວພັນລະຫວ່າງສອງປະເທດກວ່າອີກ, ເພ່ີມທະວີການແລກປ່ຽນບັນດາຄະນະຜູ້ແທນຂັ້ນສູງ, ສົ່ງເສີມບັນດາວິສາຫະກິດມາດຳເນີນທຸລະກິດຢູ່ຫວຽດນາມ ນຳວົງເງິນການຄ້າສອງຝ່າຍເພີ່ມຂຶ້ນແຕ່ 10-20% ໃນ 6 ປີຜ່ານມາ. ປີ 2014,ສອງປະເທດຈະສະເຫລີມສະຫລອງ 45 ປີແຫ່ງວັນສ້າງຕັ້ງສາຍພົວພັນທາງການທູດ, ສະເຫນີສອງຝ່າຍສົມທົບກັນ, ຈັດຕັ້ງວຽກງານເຄື່ອນໄຫວສະເຫລີມສະຫລອງໃຫ້ສຳເລັດຜົນ ແລະ ສ້າງບາດກ້າວຫັນປ່ຽນຢ່າງແຂງແຮງໃນການພົວພັນຮ່ວມມືລະຫວ່າງສອງປະເທດ. ທ່ານຮອງນາຍົກລັດຖະມົນຕີ ຮ່ວາງຈູງຫາຍ ເນັ້ນຫນັກວ່າ: ລັດຖະບານຫວຽດນາມ ຈະສ້າງເງື່ອນໄຂດີທີ່ສຸດເພື່ອໃຫ້ບັນດາວິສາຫະກິດຕ່າງປະເທດ, ໃນນັ້ນ ມີບັນດາວິສາຫະກິດ ຊູແອດ ເຂົ້າຮ່ວມການຮ່ວມມືລົງທຶນ, ດຳເນີນທຸລະກີດຢູ່ຫວຽດນາມ ບົນພື້ນຖານຕ່າງຝ່າຍຕ່າງມີຜົນປະໂຫຍດ.