ພິທີ​​ເລີ່​ມລົງມື​ກໍ່ສ້າງ​ໂຮງງານ​ໄຟຟ້າ​ໃຊ້​ພະລັງ​ຄວາມ​ຮ້ອນ ຫວີ​ງ​ເຕີນ 4 photo:baocom.vn

(vovworld)-  ຕອນ​ເຊົ້າ​ວັນ​ທີ 9/3 ຢູ່ ຕາ​ແສງ ຫວີງ​ເຕີນ ​ເມືອງ ຕູຍ​ຟອງ  ​ແຂວງ ບີ່​ງທ້ວນ, ກຸ່ມ​ບໍລິສັດ​ໄຟຟ້າ​ຫວຽດນາມ (EVN) ຈັດ​ຕັ້ງ​ພິທີ​​ເລີ່​ມລົງມື​ກໍ່ສ້າງ​ໂຮງງານ​ໄຟຟ້າ​ໃຊ້​ພະລັງ​ຄວາມ​ຮ້ອນ ຫວີ​ງ​ເຕີນ 4. ນີ້​ແມ່ນ​ກິດຈະກຳ​​ໄຟຟ້າ​ໃຊ້​ພະລັງ​ຄວາມ​ຮ້ອນ​ໃຫຍ່​ກວ່າ​ໝູ່​ໃນ​ທົ່ວ​ປະ​ເທດ ມີ​ກຳລັງ​ການ​ຜະລິດ​ໄຟຟ້າ 1200 MW, ດ້ວຍ​ຍອດ​ຈຳນວນ​ເງິນ​ລົງທຶນ​ກວ່າ 36.000 ຕື້​ດົ່ງ. ກ່າວ​ຄຳ​ເຫັນ​ທີ່​ພິທີ, ທ່ານ​ຮອງ​ນາຍົກລັດຖະ​​ມົນຕີ ຮ່ວາງ​ຈູ​ງຫາຍ ສະ​ເຫ​ນີວ່າ​:

        “ກຸ່ມ​ບໍລິສັດ​ໄຟຟ້າ​ຫວຽດນາມ ຕ້ອງ​ສົມທົບ​ຢ່າງ​ແຫນ້​ແຟ້ນກັບ​ບັນດາ​ຜູ້​ຮົບ​ເໝົາ​ກໍ່ສ້າງ​ປະຕິບັດ​ວຽກ​ງານ​ກໍ່ສ້າງ​ເປັນ​ຢ່າງ​ດີ ຖືກຕ້ອງ​ກັບ​ບັນດາ​ຂໍ້​ກຳນົດ​ປະຈຸ​ບັນ​ກ່ຽວ​ກັບ​ການ​ຄຸ້ມ​ຄອງ​ລົງທຶນ ​ແລະ ກໍ່ສ້າງ, ຮັບປະກັນ​ລະດັບ​ຄວາມ​ໄວ. ຕ້ອງ​ເອົາ​ໃຈ​ໃສ່​ເຖິງ​ຄວາມ​ປອດ​ໄພ ​ແລະ ສິ່ງ​ແວດ​ລ້ອມ ​ໃນ​ວິວັດ​ການ​ປະຕິບັດ​ກໍ່ສ້າງ ກໍ​ຄື​ເອົາ​ໃຈ​ໃສ່​ເຖິງ​ຊີວິດ​ການ​ເປ​ັນຢູ່​ຂອງ​ປະຊາຊົນ​ຢູ່​ເຂດ​ຕັ້ງ​ຖິ່ນ​ຖານ​ຄືນ​ໃຫມ່. ”