ທ່ານຮອງປະທານສະພາແຫ່ງຊາດ  ຫວຽດນາມ ໂດບ໊າຕິໃຫ້ການຕ້ອນຮັບຄະນະຜູ້ແທນສານປະຊາຊົນສູງສຸດ ກູບາໂດຍທ່ານປະທານສານປະຊາຊົນສູງສຸດ ກູບາ Ruben Remingio Ferro (ພາບ: Quochoi.vn)

 ທ່ານ ໂດບ໊າຕິ ຮອງປະທານສະພາແຫ່ງຊາດ ໃຫ້ຮູ້ວ່າ: ການນຳພັກ ແລະ ລັດ ຫວຽດນາມຍາມໃດກໍ່ສະໜັບສະໜູນການຮ່ວມມືມິດຕະພາບລະຫວ່າງສອງລະບົບສານສອງປະເທດຢ່າງແຮງ, ຕອບສະໜອງຄວາມຮຽກຮ້ອງຕ້ອງການຂອງສານຂັ້ນແຂວງຂອງສອງປະເທດໃນເລື່ອງແລກປ່ຽນ, ແບ່ງປັນຂໍ້ມູນຂ່າວສານກ່ຽວກັບການເຄື່ອນໄຫວດ້ານຍຸຕິທຳ ແລະ ກົດໝາຍ. ທ່ານ ໂດບ໊າຕິຖືວ່າ ໃນໄລຍະຈະມາເຖິງ, ສອງປະເທດຄວນສືບຕໍ່ຍູ້ແຮງການພົວພັນຮ່ວມມືໃນຫຼາຍຂົງເຂດ, ພິເສດແມ່ນເພີ່ມທະວີການແລກປ່ຽນຄະນະຜູ້ແທນຂັ້ນສູງໃນບັນດາການເຄື່ອນໄຫວຂອງສະພາແຫ່ງຊາດ, ແບ່ງປັນບົດຮຽນ, ປະສົບການໃນຂົງເຂດຍຸຕິທຳລະຫວ່າງ ສອງປະເທດ.

        ສ່ວນທ່ານ Ruben Remingio Ferro ປະທານສານປະຊາຊົນສູງສຸດ ກູບາໃຫ້ຮູ້ວ່າ ໃນຫຼາຍປີທີ່ຜ່ານມາ, ຂົງເຂດຍຸຕິທຳຂອງກູບາໄດ້ມີການຮ່ວມມື, ແບ່ງປັນ ແລະ ຖອດຖອນບົດຮຽນ, ປະສົບການທີ່ມີປະໂຫຍດຫຼາຍຢ່າງຈາກຫວຽດນາມ. ກູບາຫາກໍ່ມີລັດຖະທຳມະນູນໃໝ່ສະບັບ ແລະ ພວມປັບປຸງລັດຖະທຳມະນູງສະບັບດັ່ງກ່າວໃຫ້ສຳເລັດດັ່ງນັ້ນຈຶ່ງມີຄວາມເຄົາລົບນັບຖືຢ່າງສູງຕໍ່ບັນດາການເຄື່ອນໄຫວພົວພັນແລກປ່ຽນຖອດຖອນບົດຮຽນ, ປະສົບການຊຶ່ງກັນແລະກັນໃນຂົງເຂດຍຸຕິທຳ.