(ພາບ: radiovietnam.vn)
(vovworld)- ວັນທີ 14/4, ຢູ່ຮ່າໂນ້ຍ, ກະຊວງແຮງງານ, ທະຫານເສຍອົງຄະ ແລະ ສັງຄົມ ສົມທົບກັບສະມາຄົມອະປະກາລະຄົນພິການ ແລະ ເດັກກຳພ້າຫວຽດນາມ ໄດ້ຈັດກອງປະຊຸມຍ້ອງຍໍສັນລະເສີນຄົນພິການ, ເດັກກຳພ້າ ແລະ ຜູ້ອຸປະກາລະດີເດັ່ນທົ່ວປະເທດຄັ້ງທີ 4 ໂດຍມີການເຂົ້າຮ່ວມຂອງຜູ້ແທນ 325 ຄົນ ຕາງໜ້າໃຫ້ຄົນພິການ, ເດັກກຳພ້າ ແລະ ຜູ້ອຸປະກາລະດີເດັ່ນໃນທົ່ວປະເທດ. ກ່າວຄຳເຫັນທີ່ກອງປະຊຸມ, ທ່ານປະທານປະເທດເຈືອງເຕີນຊາງ ໄດ້ຍ້ອງຍໍສັນລະເສີນບັນດາຄົນພິການ, ເດັກກຳພ້າ ທີ່ໄດ້ບື່ນຕົວຂຶ້ນ ແລະ ຊົມເຊີຍຜູ້ອຸປະກາລະທີ່ໄດ້ໜູນຊ່ວຍຄົນພິການ, ເດັກກຳພ້າ. ທ່ານປະທານປະເທດເຈືອງເຕີນຊາງ ຢືນຢັນວ່າ:
“ເຖິງວ່າໃນສະພາບການໃດ, ພັກ, ລັດ ຍັງສະຫງວນບັນດາອາລົມຈິດຄວາມຮັກແພງ ແລະ ຄວາມເອົາໃຈໃສ່ເບິ່ງແຍງ, ການໜູນຊ່ວຍຢ່າງສຸດຈິດສຸດໃຈ, ລອບຄອບຖີ່ຖ້ວນໃຫ້ແກ່ຄົນພິການ, ເດັກກຳພ້າ. ນີ້ແມ່ນຫຼັກສິນທຳຂອງຊາດຫວຽດນາມ, ແມ່ນທາດແທ້ອັນດີງາມຂອງລະບອບຫວຽດນາມ. ນີ້ແມ່ນພາລະກິດອັນສູງສົ່ງ, ມັນຮຽກຮ້ອງໃຫ້ມີທັງອາລົມຈິດຄວາມຮັກແຮງ, ຄວາມຮັບຜິດຊອບ, ການຮ່ວມແຮງຮ່ວມໃຈຂອງທົ່ວພັກ, ທົ່ວປວງຊົນ, ທົ່ວລະບົບການເມືອງ ແລະ ທົ່ວສັງຄົມ“
ກ່ອນໜ້ານັ້ນ, ຄືຕອນຄ່ຳວັນທີ 13/4, ຢູ່ຮ່າໂນ້ຍ, ສະມາຄົມອຸປະກາລະຄົນພິການ ແລະ ເດັກກຳພ້າ ຫວຽດນາມ ໄດ້ຈັດງານພົບປະແລກປ່ຽນ ແລະ ລາຍການສະແດງສິລະປະ “ໝາກຫົວໃຈໜຶ່ງດຽວ-ໂລກໜຶ່ງດຽວ“ ຄັ້ງທີ 10 ໂດຍມີການເຂົ້າຮ່ວມຂອງທ່ານນາງຫງວຽນທິຢວານ, ຮອງປະທານປະເທດຫວຽດນາມ ແລະ ຜູ້ແທນ 300 ຄົນເປັນຄົນພິການ ແລະ ເດັກກຳພ້າດີເດັ່ນໃນທົ່ວປະເທດ. ກ່າວຄຳເຫັນນະທີ່ນີ້, ທ່ານຫງວຽນດິ່ງລຽວ, ປະທານສະມາຄົມອຸປະກາລະຄົນພິການ ແລະ ເດັກກຳພ້າ ຫວຽດນາມ ເນັ້ນໜັກວ່າ:
“ງານພົບປະແລກປ່ຽນ, ສະແດງສິລະປະ “ໝາກຫົວໃຈໜຶ່ງດຽວ-ໂລກໜຶ່ງດຽວ“ ໄດ້ກ້າວເຂົ້າສູ່ປີທີ 10 ແລ້ວ. ພວກເຮົາກໍ່ມີໂອກາດເຫັນໄດ້ປະສິດທິຜົນຂອງລາຍການໃນ 9 ປີຜ່ານມາ. ອີກເທື່ອໜຶ່ງພວກເຮົາມີໂອກາດເຂົ້າໃຈຄົນພິການ ແລະ ເດັກກຳພ້າຫຼາຍກ່ວາອີກ ແລະ ມີໂອກາດສະແດງຄວາມຮູ້ບຸນຄຸນບັນດາອົງການຈັດຕັ້ງສ່ວນບຸດຄົນພາຍໃນ ແລະ ຕ່າງປະເທດເພື່ອສົ່ງເສີມ, ລະດົມກຳລັງໃຈຄົນພິການທີ່ໄດ້ຮັບໄຊຊະນະຕໍ່ຄວາມເຈັບປວດ, ສ້າງຊີວິດດີກ່ວາ, ບັນດາເດັກກຳພ້າໄດ້ບື່ນຕົວຂຶ້ນໃນຊີວິດ“