ທ່ານເລຂາທິກນໃຫຍ່ ຫງວຽນຟູ໋ຈ້ອງເຮັດວຽກຢູ່ແຂວງບ່າເຮ້ຍ-ວຸ້ງເຕົ່າ
(ພາບສຳນັກຂ່າວສານຫວຽດນາມ)
(vovworld) - ໃນການຢ້ຽມຢາມເປັນເວລາ 2 ວັນລະຫວ່າງວັນທີ 17-18/6 ເພື່ອແນໃສ່ຊອກຮູ້ສະພາບການປະຕິບັດໜ້າທີ່ພັດທະນາເສດຖະກິດສັງຄົມ, ວຽກງານກໍ່ສ້າງພັກ, ການປ້ອງກັນຊາດ ປ້ອງກັນຄວາມສະຫງົບ ແລະ ການຜັນຂະຫຍາຍມະຕິກອງປະຊຸມໃຫຍ່ຄັ້ງທີ 12 ຂອງພັກ. ຕອນເຊົ້າວັນທີ 18/6, ທ່ານເລຂາທິການໃຫຍ່ເຮັດວຽກກັບຄະນະປະຈຳຄະນະພັກແຂວງ ແລະ ພະນັກງານຫຼັກແຫຼງແຂວງ ບ່າເຮ້ຍ-ວຸ້ງເຕົ່າ ກ່ຽວກັບສະພາບການພັດທະນາເສດຖະກິດສັງຄົມຂອງທ້ອງຖີ່ນ.
ກ່ອນໜ້ານັ້ນ, ຕອນບ່າຍວັນທີ 17/6, ທ່ານເລຂາທິກນໃຫຍ່ ຫງວຽນຟູ໋ຈ້ອງ ໄດ້ລົງຢ້ຽມຢາມຄະນະພັກ, ອຳນາດການປົກຄອງ ແລະ ປະຊາຊົນເມືອງ ເດິດດໍ. ທ່ານເລຂາທິການໃຫຍ່ໄດ້ແລກປ່ຽນກັບປະຊາຊົນກ່ຽວກັບບັນດາບັນຫາໃນຊີວິດປະຈຳວັນ, ພິເສດແມ່ນການຕີລາຄາກ່ຽວກັບການພົວພັນລະຫວ່າງປະຊາຊົນ ແລະ ພະນັກງານ. ທ່ານເລຂາທິການໃຫຍ່ຖືວ່າ, ພະນັກງານ, ສະມາຊິກພັກຍາມໃດກໍ່ຕ້ອງຈົດຈຳ “ຖືປະຊາຊົນເປັນກົກ“ ໃກ້ຊິດຕິດພັນກັບປະຊາຊົນຢ່າງແໜ້ນແຟ້ນ ແລະ ກະທຳເພື່ອປະຊາຊົນ
“ສິ່ງສຳຄັນແມ່ນບົດບາດນຳພາຂອງຄະນະພັກ, ບົດບາດຊີ້ນຳນຳພາການປະຕິບັດຂອງອຳນາດການປົກຄອງ, ອົງການພັກຕ້ອງປອດໄສ, ພະນັກງານສະມາຊິກພັກຕ້ອງເປັນແບບຢ່າງ. ພະນັກງານຕ້ອງໃກ້ຊິດຕິດແທດກັບປະຊາຊົນ, ສ້າງການພົວພັນເລືອດເນື້ອລະຫວ່າງພັກ ແລະ ປະຊາຊົນ“.
ເມື່ອເຕື້ອງເຖິງໂຄງການກໍ່ສ້າງຊົນນະບົດໃໝ່, ທ່ານເລຂາທິກນໃຫຍ່ ຫງວຽນຟູ໋ຈ້ອງ ຖືວ່າ ເພື່ອບັນລຸໄດ້ບັນດາຜົນງານໃນເບື້ອງຕົ້ນຂອງແຜນນະໂຍບາຍອັນຖືກຕ້ອງນີ້, ສິ່ງສຳຄັນແມ່ນເມື່ອວາງຄາດໝາຍແມ່ນຕ້ອງເໝາະສົມກັບສະພາບຕົວຈິງຂອງທ້ອງຖີ່ນ, ເໝາະສົມກັບຈິດໃຈຂອງປະຊາຊົນ, ຈຶ່ງໄດ້ຮັບການສະໜັບສະໜູນຈາກປະຊາຊົນ.