(VOV World)ປີເຖາະໄດ້ລວງເລີຍໄປແລ້ວ ດ້ວຍບັນດາໝາກຜົນອັນໃຫຍ່ຫຼວງຂອງປະເທດຊາດໃນທຸກຂົງເຂດ, ທ່າແຮງ ແລະ ກຳລັງແຮງຂອງປະເທດຊາດນັບມື້ນັບໄດ້ຮັບການປັບປຸງ, ສ້າງປະຖົມປັດໄຈຢ່າງໝັ້ນຄົງໃຫ້ປີ 2012 ແລະ ຊຸມປີຕໍ່ໄປ. ເນື່ອງໃນໂອກາດຕ້ອນຮັບປີໃໝ່ ປີມະໂຣງ 2012, ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ໋ຈ້ອງ ໄດ້ຕອບສຳພາດຕໍ່ນັກຂ່າວວິທະຍຸກະຈາຍສຽງຫວຽດນາມ. ເມື່ອເຕື້ອງເຖິງເລື່ອງຜັນຂະຫຍາຍການປະຕິບັດມະຕິ 11 ຂອງພັກກອມູນິດຫວຽດນາມໃນປີຜ່ານມາ ກໍ່ຄືການເສີມຂະຫຍາຍມູນເຊື້ອ 82 ປີຂອງພັກເພື່ອສ້າງສຳເລັດບັນດາຄາດ ໝາຍເຊິ່ງມະຕິໄດ້ວາງອອກຢ່າງມີໄຊ, ທ່ານເລຂາທິການໃຫຍ່ ຫງວຽນຟູ໋ຈ້ອງ ຊີ້ແຈງວ່າ:
“ປີ 2011 ແມ່ນປີທຳອິດປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກກອມູນິດຫວຽດນາມ - ດ້ວຍຫຼາຍເຫດການ, ຄວາມຫຍຸ້ງຍາກ, ການທ້າທາຍຫຼາຍຢ່າງ ແຕ່ກໍບັນລຸໄດ້ໝາກຜົນທີ່ມີຄວາມໝາຍຫຼາຍຢ່າງ. ພາຍຫຼັງກອງປະຊຸມໃຫຍ່ຄັ້ງທີ 11, ພວກເຮົາໄດ້ຜັນຂະຫຍາຍການຄົ້ນຄ້ວາ, ຮ່ຳຮຽນ, ຊາບຊຶມມະຕິກອງປະຊຸມໃຫຍ່ຄັ້ງທີ 11 ຂອງພັກ.. ພ້ອມທັງສ້າງບັນດາໂຄງການປະຕິບັດງານ, ແຜນການປະຕິບັດງານ, ລະບຽບການເຮັດວຽກຢູ່ທຸກຂະແໜງການ, ທຸກຂັ້ນ ແລະ ຜັນຂະຫຍາຍການຫັນບາງລັດຖະນະໂຍບາຍສຳຄັນຂອງກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 11 ຂອງພັກເປັນລະອຽດ”
ຕາມທ່ານເລຂາທິການໃຫຍ່ ຫງວຽນຟູ໋ຈ້ອງ ແລ້ວ, ວຽກງານທີ່ 2 ທີ່ມີຄວາມໝາຍສຳຄັນໃນປີທີ່ຜ່ານມາ, ນັ້ນແມ່ນ ຫວຽດນາມໄດ້ຈັດຕັ້ງການເລືອກຕັ້ງ ສສຊ ຊຸດທີ 13 ແລະ ສະມາຊິກສະພາ ປຊຊ ທຸກຂັ້ນອາຍຸການ 2011 – 2016 ໃນວັນດຽວກັນສຳເລັດຜົນ. ວຽກງານທີ່ 3 ນັ້ນແມ່ນຫວຽດນາມໄດ້ຮັບມື ແລະ ແກ້ໄຂບັນຫາຈຳນວນໜຶ່ງກ່ຽວກັບວຽກງານພາຍໃນ ແລະ ການຕ່າງປະເທດ ສຳເລັດຜົນ. ຍ້ອນໄດ້ຮັບຜົນສະທ້ອນຈາກວິກິດການການເງິນ ແລະ ການຊຸດໂຊມທາງດ້ານເສດຖະກິດທົ່ວໂລກ, ຫວຽດນາມໄດ້ສຸມໃສ່ເຂົ້າໃນຈຸດໝາຍຄວບຄຸມໄພເງິນເຟີ້, ຮັກສາເສດຖະກິດມະຫາພາກໃຫ້ເປັນປົກກະຕິ, ຮັບປະກັນຊີວິດສັງຄົມ, ແກ້ໄຂບັນດາບັນຫາໃໝ່, ສັບສົນທີ່ເກີດຂຶ້ນຢູ່ທະເລຕາເວັນອອກ… ວຽກງານທີ່ 4 ແມ່ນ ຫວຽດນາມໄດ້ຍຸ້ແຮງບັນດາການເຄື່ອນໄຫວພົວພັນຕ່າງປະເທດໃນທ້າຍປີ ແລະ ໄດ້ຮັບຜົນດີໃນການສືບຕໍ່ຮັກສາອະທິປະໄຕ ເອກະລາດແຫ່ງຊາດ ທັງຮັກສາສັນຕິພາບ, ສະຖຽນລະພາບເພື່ອພັດທະນາປະເທດຊາດ, ພ້ອມທັງເພີ່ມທະວີບັນດາການເຄື່ອນໄຫວ 2 ຝ່າຍ ແລະ ຫຼາຍຝ່າຍເພື່ອຍົກສູງທີ່ຕັ້ງບົດບາດຂອງຫວຽດນາມໃນເວທີສາກົນ.
ກ້າວເຂົ້າສູ່ປີໃໝ່ປີມະໂຣງ 2012 ກໍ່ແມ່ນຈຸດເວລາທີ່ພັກກອມູນິດຫວຽດນາມກະກຽມສະເຫຼີມສະຫຼອງ 82 ປີແຫ່ງວັນສ້າງຕັ້ງ, ທ່ານເລຂາທິການໃຫຍ່ຫງວຽນຟູ໋ຈ້ອງ ໄດ້ຝາກຄຳອວຍພອນປີໃໝ່ໄປຍັງພະນັກງານ, ສະມາຊິກພັກ ປະຊາຊົນ, ນັກຮົບ, ຕຳຫຼວດໃນທົ່ວປະເທດ. ທ່ານ ຊີ້ແຈງວ່າ:
“ປີນີ້, ພວກເຮົາລະນຶກ 82 ປີແຫ່ງວັນສ້າງຕັ້ງພັກກອມູນິດຫວຽດນາມ. ທົບທວນຄືນ 82 ປີ ຜ່ານມາ, ພັກເຮົາໄດ້ມີການປະກອບສ່ວນອັນໃຫຍ່ຫຼວງທີ່ມີຕໍ່ພາລະກິດປະຕິວັດຂອງຫວຽດນາມ, ນຳພາ ປຊຊ ຍາດເອົາໄຊຊະນະຕ່າງໆ. ນັບແຕ່ມີພັກມາຮອດປະຈຸບັນ, ປະເທດເຮົາໄດ້ມີການປ່ຽນແປງຫຼາຍຢ່າງ, ກາຍເປັນປະເທດເອກະລາດ, ເສລີພາບ, ປະຊາຊົນເປັນເຈົ້າປະເທດຊາດ, ເປັນເຈົ້າສັງຄົມ ແລະມີການພົວພັນກັບສາກົນຢ່າງກວ້າງຂວາງ”
ເນື່ອງໃນໂອກາດປີໃໝ່ວຽນມາ, ທ່ານເລຂາທິການໃຫຍ່ ຫງວຍນຟູ໋ຈ້ອງ ກໍສະແດງຄວາມພາກພູມໃຈຕໍ່ບັນດາໝາກຜົນຂອງກອງປະຊຸມສູນກາງພັກກອມມູນິດຫວຽດນາມຄັ້ງທີ 3 ແລະ ທີ 4 ແລະ ກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດຫວຽດນາມຊຸດທີ 13 ... ເຊິ່ງໄດ້ປະກອບສ່ວນເຮັດໃຫ້ບັນຍາກາດປະຊາທິປະໄຕໃນພັກ, ໃນສັງຄົມນັບມື້ນັບໄດ້ຮັບການເສີມຂະຫຍາຍ
ເນື່ອງໃນໂອກາດປີໃໝ່, ທ່ານເລຂາທິການໃຫຍ່ ຫງວຍນຟູ໋ຈ້ອງ ກໍ່ ຝາກຄຳຢື້ຢາມຖາມຂ່າວ, ແລະຄຳອວຍພອນໄຊອັນປະເຊີດໄປຍັງ ຊາວຫວຽດນາມທີ່ພວມດຳລົງຊີວິດ, ເຮັດວຽກ ແລະ ຮຳ່ຮຽນຢູ່ຕ່າງປະເທດແລະຫວັງວ່າຍາມໃດເຂົາເຈົ້າກໍ່ອ່ວາຍເມືອຫາບ້ານເກີດເມືອງນອນ, ພ້ອມກັນກໍ່ສ້າງກຸ່ມກ້ອນມະຫາສາມັກຄີທົ່ວປວງຊົນທັງຊາດ, ປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກໃຫ້ດີ ເພື່ອໄດ້ຮັບຜົນງານອັນໃຫຍ່ຫຼວງກວ່າອີກໃນປີ 2012.