( vovworld ) - ຕອນບ່າຍວັນທີ 22/6, ທ່ານເລຂາທິການໃຫຍ່ Nguyen Phu Trong ໄດ້ໃຫ້ການຕ້ອນຮັບຄະນະຜູ້ແທນວຸດທິສະພາມ້ຽນມາ ໂດຍທ່ານປະທານວຸດທິສະພາ ຄິນອອງມິນ ນຳໜ້າ ພວມຢ້ຽມຢາມ ແລະ ເຮັດວຽກຢູ່ຫວຽດນາມ ຢ່າງເປັນທາງການ. ທີ່ການຕ້ອນຮັບ, ທ່ານປະທານວຸດທິສະພາ ຄິນອອງມິນ ໄດ້ຢືນຢັນວ່າ ນະໂຍບາຍຂອງມ້ຽນມາ ຖືເປັນສຳຄັນ ແລະ ປາດຖະໜາຢາກເພີ່ມທະວີການພົວພັນຖານບ້ານໄກ້ເຮືອນຄຽງ, ມິດຕະພາບທີ່ເປັນມູນເຊື້ອ ແລະ ການຮ່ວມມືຫຼາຍດ້ານກັບຫວຽນາມກວ່າອີກ. ທ່ານ ຄິນອອງມິນ ໄດ້ສະແດງຄວາມນັບຖືຕໍ່ທ່ານປະທານ ໂຮ່ຈິມິນ ແລະ ນັບຖືຕໍ່ພາລະກິດຕໍ່ສູ້ປົດປ່ວຍຊາດຂອງປະຊາຊົນຫວຽດນາມ, ຕີລາຄາສູງບົດບາດນຳພາຂອງການນຳພັກກອມມູນິດຫວຽດນາມ, ອວຍພອນບັນດາຜົນງານທີ່ໃຫຍ່ຫຼວງເຊິ່ງປະຊາຊົນຫວຽດນາມ ບັນລຸໄດ້ ໃນພາລະກິດປ່ຽນໃໝ່ ແລະ ຂອບໃຈຫວຽດນາມ ໄດ້ສະໜັບສະໜູນປະຊາຊົນ ມ້ຽນມາ ໃນພາລະກິດສ້າງສາ ແລະ ພັດທະນາປະເທດຊາດໃນໄລຍະທີ່ຜ່ານມາ. ສ່ວນທ່ານເລຂາທິການໃຫຍ່ Nguyen Phu Trong ໄດ້ຖືວ່າ, ການຢ້ຽມຢາມຄັ້ງນີ້ຂອງຄະນະຜູແທນວຸດທິສະພາມ້ຽນມາ ໄດ້ປະກອບສ່ວນເພີ່ມທະວີການພົວພັນມິດຕະພາບ ແລະ ການຮ່ວມມືລະຫວ່າງສອງອົງການນິຕິບັດຍັດເວົ້າສະເພາະ ແລະ ສອງປະເທດເວົ້າລວມກວ່າອີກ . ທ່ານເລຂາທິການໃຫຍ່ໄດ້ຢືນຢັນ ຢາກຍູ້ແຮງການພົວພັນແລກປ່ຽນ ແລະ ເພີ່ມທະວີການພົວພັນມິດຕະພາບ ແລະ ການຮ່ວມມືລະຫວ່າງສອງປະເທດໃນໄລຍະຈະມາເຖິງ.