( vovworld ) – ຕອນຄໍ່າວັນທີ 22/4, ຢູ່ຮ່າໂນ້ຍ, ຄະນະຊາວໜຸ່ມກອມມູນິດໂຮ່ຈິມິນ ນະຄອນຫຼວງຮ່າໂນ້ຍ ໄດ້ຈັດຕັ້ງການພົບປະກັບສະມາຊິກພັກໜຸ່ມທີ່ດີ 1000 ຄົນ ແລະ ຍ້ອງຍໍສັນລະເສີນສະມາຊິກພັກໜຸ່ມທີ່ດີເດັ່ນປີ 2012 100 ຄົນ. ເຂົ້າຮ່ວມພິທີ ແລະ ກ່າວຄຳເຫັນທີ່ພິທີ, ທ່ານເລຂາທິຫານໃຫຍ່ພັກກອມມູນິດຫວຽດນາມ Nguyen Phu Trong ໄດ້ເນັ້ນໜັກວ່າ; ບັນດາສະມາຊິກພັກໜຸ່ມທີ່ໄດ້ຮັບການຍ້ອງຍໍໃນມື້ນີ້ເປັນອະນາຄົດອັນລ້ຳຄ່າຂອງພັກ, ແມ່ນດອກໄມ້ທີ່ສວຍງາມໃນສວນດອກໄມ້ຂອງໄວໜຸ່ມນະຄອນຫຼວງ, ໄດ້ເສີມຂະຫຍາຍບົດບາດນຳໜ້າ, ເປັນແບບຢ່າງຂອງບັນດາສະມາຊິກພັກ ແລະ ນັກຮົບກອມມູນິດໜຸ່ມ. ທ່ານເລຂາທິການໃຫຍ່ Nguyen Phu Trong ກ່າວວ່າ.
“ ບັນດາສະມາຊິກພັກໄດ້ເສີມຂະຫຍາຍບົດບາດນຳໜ້າເປັນແບບຢ່າງຂອງບັນດາສະມາຊິກພັກ, ນັກຮົບກອມມູນິດໜຸ່ມ, ກອນອື່ນໝົດສະມາຊິກພັກຕ້ອງນຳໜ້າ ແລະ ເປັນແບບຢ່າງ. ນຳໜ້າທັງດ້ານແນວຄິດ, ຈິນຕະນາການ, ຄວາມຮູ້, ການເຄື່ອນໄຫວຕົວຈິງ, ບ່ອນໃດຫຍຸ້ງຍາກ, ລຳບາກ, ເສຍສະຫຼະຫຼາຍກວ່າໝູ່ແມ່ນຈະມີການປະກອບສ່ວນຂອງສະມາຊິກພັກກອມມູນິດ, ເພື່ອສ້າງບັນດາຜົນງານ, ດ້ວຍສະມັດຕະພາບ, ຄຸນນະພາບສູງສຸດ, ປະກອບສ່ວນຢ່າງຫຼວງຫຼາຍໃຫ້ແກ່ປະເທດຊາດ. ”