ທ່ານເລຂາທິການໃຫ່ຍ ສປຊ ຮຽກຮ້ອງບັນດາການນຳຈົ່ງໃຫ້ໝັ້ນສັນຍາຕ້ານການປ່ຽນແປງຂອງດິນຟ້າອາກາດ
(VOVWORLD) - ວັນທີ 26 ສິງຫາ, ຢູ່ກອງປະຊຸມ G7, ທ່ານ Antonio Guterres ເລຂາທິການໃຫ່ຍ ສປຊ ໄດ້ຍົກອອກສານຮີບດ່ວນໂດຍຮຽກຮ້ອງປະເທດຕ່າງໆຈົ່ງຮ່ວມແຮງຮ່ວມໃຈຕ້ານການປ່ຽນແປງຂອງດິນຟ້າອາກາດເພື່ອະນາຄົດຂຽວສົດ ແລະ ສະອາດກ່ວາ
ທ່ານ Guterres ເນັ້ນໜັກວ່າ: ໂລກໄດ້ມີບັນດາພາຫະນະອັນຈຳເປັນເພື່ອແກ້ໄຂບັນດາບັນຫາຮີບດ່ວນກ່ຽວກັບການປ່ຽນແປງຂອງດິນຟ້າອາກາດ ແຕ່ຄວາມມານະພະຍາຍາມນີ້ ຕ້ອງມີຄຳໝັ້ນສັນຍາດ້ານການເມືອງຂອງບັນດາການນຳໃນໂລກ, ໂດຍສະເພາະແມ່ນບັນດາການນຳກຸ່ມ G7. ຄຳຮຽກຮ້ອງຂອງທ່ານຖືກຍົກອອກມາ ໃນສະພາບການກອງປະຊຸມຂອງ ສປຊ ກ່ຽວກັບຕ້ານການປ່ຽນແປງຂອງດິນຟ້າອາກາດ ຈະດຳເນີນໄປໃນເດືອນໜ້າຢູ່ນີວຢອກ.
ທ່ານເລຂາທິການໃຫ່ຍ ສປຊ ຍັງຮຽກຮ້ອງປະເທດຕ່າງໆ ຈົ່ງເຂົ້າຮ່ວມກອງປະຊຸມ ຕ້ານການປ່ຽນແປງຂອງດິນຟ້າອາກາດຂອງ ສປຊ ໃນເດືອນກັນຍາຈະມາເຖິງເພື່ອພ້ອມກັນໃຫ້ຄຳໝັ້ນນສັນຍາລົບລ້າງປະລິມານອາຍເສຍ carbon ໃນປີ 2050 ກໍ່ຄືເພີ່ມລະດັບການໃຫ້ຄຳໝັ້ນສັນຍາຂອງແຕ່ລະປະເທດສຳລັບຂະບວນວິວັດແຫ່ງການກະທຳເພື່ອຕ້ານການປ່ຽນແປງຂອງດິນຟ້າອາກາດ.