(vovworld) - ຕອນເຊົ້າວັນທີ 1/12, ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟຸ໋ຈ້ອງ ແລະ ຄະນະສະມາຊິກສະພາແຫ່ງຊາດນະຄອນຮ່າໂນ້ຍ ໄດ້ມີການພົບປະກັບຜູ້ມີສິດເລືອກຕັ້ງເມືອງ ບາດິ່ງ ແລະ ຮ່ວານກ໋ຽມ ເພື່ອລາຍງານໝາກຜົນຂອງກອງປະຊຸມສະໄໝສາມັນເທື່ອທີ 4 ສະພາແຫ່ງຊາດຫວຽດນາມ ຊຸດທີ 13. ຜູ້ມີສິດເລືອກຕັ້ງເມືອງ ບາດິ່ງ ແລະ ຮ່ວານກ໋ຽມ ໄດ້ຊົມເຊີຍຈິດໃຈເຮັດວຽກທີ່ມີຄວາມຮັບຜິດຊອບ, ຕັ້ງໜ້າ, ປະຊາທິປະໄຕ ແລະ ກົງໄປກົງມາກໍຄື ມີລັກສະນະສ້າງສັນຂອງບັນດາສະມາຊິກສະພາແຫ່ງຊາດ, ເປັນຕົວແທນໃຫ້ແກ່ຜູ້ມີສິດເລືອກຕັ້ງ.
ກ່າວຄຳເຫັນທີ່ການພົບປະ, ຕາງໜ້າຄະນະສະມາຊິກສະພາແຫ່ງຊາດນະຄອນຮ່າໂນ້ຍ, ທ່ານເລຂາທິການໃຫຍ່ ຫງວຽນຟຸ໋ຈ້ອງ ໄດ້ຕີລາຄາສູງບັນດາຄຳເຫັນປະກອບທີ່ສຸດຈິດສຸດໃຈ ແລະ ສ້າງສັນຂອງຜູ້ມີສິດເລືອກຕັ້ງ. ທ່ານເລຂາທິການໃຫຍ່ຢືນຢັນວ່າ ກອງປະຊຸມຜ່ານມາໄດ້ມີການປ່ຽນໃໝ່ຫຼາຍຢ່າງ, ມີຄຸນນະພາບ, ພິເສດແມ່ນໃນການສ້າງມະຕິ, ບັນດາຮ່າງກົດໝາຍ, ວຽກງານຕິດຕາມກວດກາຂອງສະພາແຫ່ງຊາດ. ກ່ຽວກັບການປະຕິບັດມະຕິສູນກາງທີ 4, ທ່ານເລຂາທິການໃຫຍ່ ຊີ້ແຈ້ງວ່າ: ການກໍ່ສ້າງ ແລະ ປັບປຸງພັກແມ່ນບັນຫາກ່ຽວຂ້ອງເຖິງຄວາມເປັນຕາຍຂອງພັກ. ເລືອງຕໍ່ສູ້ຕຳນິຕິຊົນຕົນເອງ ແລະ ຕິນິຕິຊົມເພື່ອນສະຫາຍຕ້ອງມີເຮັດມີເຫດຜົນ, ກ່ອນອື່ນໝົດແມ່ນເພື່ອກ່າວເຕື່ອນ ແລະ ສະກັດກັ້ນ, ຈາກນັ້ນ, ແຕ່ລະອົງການຈັດຕັ້ງ, ສ່ວນບຸກຄົນຕ້ອງຕື່ນຕົວປັບປຸງຕົນເອງ. ທ່ານເລຂາທິການໃຫຍ່ຢືນຢັນວ່າ ເລືອງປະຕິບັດມະຕິສູນກາງທີ 4 ຜ່ານມາຂອງກົມການເມືອງ ແລະ ຄະນະເລຂາ ບັນລຸໄດ້ຄວາມຕ້ອງການ ແລະ ຍັງຄົງສືບຕໍ່ຜັນຂະຫຍາຍໃນໄລຍະຍາວ.