( vovworld) ໃນການເຮັດວຽກກັບການນຳຄະນະໂຄສະນາສຶກສາສູນກາງໃນຕອນເຊົ້າວັນທີ 7 ກຸມພາ, ທ່ານເລຂາທິການໃຫຍ່ ຫງວຽນຟຸ໋ຈ້ອງ ໄດ້ເນັ້ນໜັກວ່າ, ໃນໄລຍະປະຈຸບັນ ຄະນະໂຄສະນາສຶກສາສູນກາງຄວນສືບຕໍ່ໃກ້ຊິດຕິດແທດກັບຄວາມຮຽກຮ້ອງຕ້ອງການ, ໜ້າທີ່ດ້ານການເມືອງ, ກຳໄດ້ແນວຄິດຂອງໝູ່ມະຫາຊົນ, ຜັນຂະຫຍາຍຢ່າງຄົບຊຸດ, ຕາມແຜນການ, ມີຄຸນນະພາບ, ປະສິດທິຜົນສູງກວ່າດ້ວຍຫຼາຍຮູບແບບ, ວິທີການໃໝ່ທີ່ເໝາະສົມກວ່າ. ວຽກງານດ້ານແນວຄິດ, ໂຄສະນາສຶກສາຕ້ອງປ່ຽນໃໝ່ເປັນປະຈຳ, ເອົາໃຈໃສ່ເປັນພິເສດເຖິງຂົງເຂດສຶກສາທິດສະດີດ້ານການເມືອງກວ່າອີກ.
“ກອນອື່ນໝົດແມ່ນກໍ່ສ້າງຖັນແຖວບັນດາຜູ້ທີ່ເຮັດວຽກງານຄວາມຄິດ, ວັດທະນະທຳ, ສິນລະປະ, ໜັງສືພິມ, ວິທະຍຸ, ໂທລະພາບ … ທີ່ມີຄຸນນະທາດດ້ານການເມືອງ, ກ້າຕໍ່ສູ ແລະ ມີລະດັບວິຊາການ. ເວົ້າໄດ້, ຂຽນດີ, ໄກເກັ່ຍໄດ້. ຕ້ອງຊອກຫາວິທີເພື່ອບໍ່ໃຫ້ເງິນຕາ, ຕໍ່າແໜ່ງຊື້ຈ້າງຈອບອອຍບໍ່ຕົກເຂົ້າສູ່ອຸບາຍຂອງກຳລັງສັດຕູ. ບັນດາຜູ້ທີ່ເຮັດວຽກງານການສຶກສາຕ້ອງໄດ້ຮັບການສຶກສາ, ຜູ້ເຮັດວຽກງານດ້ານແນວຄິດກໍ່ຕ້ອງໄດ້ຮັບການສຶກສາດ້ານແນວຄິດ”.
ທ່ານເລຂາທິການໃຫຍ່ສະແດງຄວາມເຊື້ອໝັ້ນວ່າ, ດ້ວຍມູນເຊື້ອຄວາມເປັນມາຂອງຕົນ, ຂະແໜງໂຄສະນາສຶກສາຈະປະຕິບັດສຳເລັດໜ້າທີ່ເຊິ່ງໄດ້ຮັບມອບໝາຍເປັນຢ່າງດີ, ປະກອບສ່ວນປະຕິບັດມະຕິຂອງກອງປະຊຸມໃຫຍ່ຄັ້ງທີ່ 11 ຂອງພັກຢ່າງມີໄຊ .