ທ່ານເລຂາທິການໃຫຍ່ ຫງວຽນຟຸຈ້ອງ ຢ້ຽມຢາມ ແລະ ເຮັດວຽກຢູ່ແຂວງ ຮ່າຕິ້ງ
ທ່ານເລຂາທິການໃຫຍ່ ຫງວຽນຟຸຈ້ອງ
ລົງຢ້ຽມຢາມ ແລະ ເຮັດວຽກຢູ່ແຂວງຮ່າຕິ້ງ
(ພາບ: TTXVN)
(vovworld) - ວັນທີ 28/04, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸຈ້ອງ ໄດ້ລົງຢ້ຽມຢາມ ແລະ ເຮັດວຽກຢູ່ແຂວງຮ່າຕິ້ງ. ກ່າວຄຳເຫັນທີ່ການເຮັດວຽກກັບຄະນະປະຈຳພັກແຂວງ ແລະ ພະນັກງານຫຼັກແຫຼ່ງແຂວງຮ່າຕິ້ງ. ທ່ານເລຂາທິການໃຫຍ່ ຫງວຽນຟຸຈ້ອງ ເນັ້ນໜັກວ່າ ແຂວງ ຮ່າຕິ້ງ ຄວນເອົາໃຈໃສ່ເປັນພິເສດເຖິງການພັດທະນາເສດຖະກິດ, ສັງຄົມ ຢ່າງວ່ອງໄວ ແລະ ໝັ້ນຄົງ.
“ພັດທະນາຢ່າງໝັ້ນຄົງ, ພັດທະນາວ່ອງໄວແຕ່ໝັ້ນຄົງ, ເພື່ອຫຼິດລ້ຽງການພັດທະນາແບບຊົ່ວຄາວ. ໃນວິວັດການຫັນປະເທດຊາດເປັນປະເທດອຸດສາຫະກຳ ແລະ ທັນສະໄໝ ຕ້ອງເອົາໃຈໃສ່ເຖິງບັນຫາບຳລຸງສ້າງແຫຼ່ງຊັບພະຍາກອນມະນຸດ, ບຳລຸງສ້າງວິຊາຊີບເມື່ອຫັນເປັນການບໍລິການ, ອຸດສາຫະກຳ, ການສົ່ງອອກແຮງງານ. ຍົດສູງລະດັບຄວາມສາມາດຊີ້ນຳ, ນຳພາ, ຄຸ້ມຄອງບໍລິຫານຂອງບັນດາການນຳ, ຄຸ້ມຄອງບໍລິຫານ. ແຂວງ ຮ່າຕິ້ງ ມີເຂດອຸດສາຫະກຳຫຼາຍແຫ່ງຕ້ອງແກ້ໄຂບັນຫາແຫຼ່ງທຶນ. ທີ 2 ແມ່ນການປົກປັກຮັກສາຊັບພະຍາກອນ ແລະ ສິ່ງແວດລ້ອມ ຖ້າຫາກຂຸດຄົ້ນເຫຼັກ ແທກເຄ; ບັນຫານ້ຳ, ການດຳລົງຊີວິດ, ສິ່ງເສດເຫຼືອ ແລະ ຮັບປະກັນຄວາມເປັນລະບຽບຮຽບຮ້ອຍທາງສັງຄົມ”.
ທ່ານເລຂາທິການໃຫຍ່ ຫງວຽນຟຸຈ້ອງ ກໍ່ຮຽກຮ້ອງໃຫ້ແຂວງຮ່າຕິ້ງ ຄວນສືບຕໍ່ຄົ້ນຄວ້າ ແລະ ເພີ່ມເຕີມບັນດາແຫຼ່ງກຳລັງ, ໃນນັ້ນມີເລື່ອງສະໜອງແຫຼ່ງທຶນໃຫ້ທຸກໂຄງການ, ບໍ່ປະໂຄງການຖືກຄ້າງຄາ. ທ່ານເລຂາທິການໃຫຍ່ ຫງວຽນຟຸຈ້ອງ ກໍ່ເນັ້ນໜັກວ່າ ແຂວງຮ່າຕິ້ງ ຄວນສືບຕໍ່ເອົາໃຈໃສ່ເຖິງການກໍ່ສ້າງຊົນນະບົດໃໝ່; ປະຕິບັດວຽກງານກໍ່ສ້າງພັກ ແລະ ລະບົບການເມືອງເປັນຢ່າງດີ. ພ້ອມກັບການປະຕິບັດໜ້າທີ່ເປັນປະຈຳ, ແຂວງຮ່າຕິ້ງ ຕ້ອງເຮັດວຽກງານກະກຽມຈັດກອງປະຊຸມໃຫຍ່ອົງຄະນະພັກທຸກຂັ້ນເປັນຢ່າງດີ.
ກອນໜ້ານັ້ນ, ທ່ານເລຂາທິການໃຫຍ່ ຫງວຽນຟຸຈ້ອງ ໄດ້ໄປວາງພວງມາລາ, ຖະຫາຍທູບທຽນຢູ່ສຸສານອະດີດເລຂາທິການໃຫຍ່ຜູ້ທຳອິດຂອງພັກກອມມູນິດຫວຽດນາມເຈີນຟຸ໋, ຢູ່ຕາແສງ ຕຸ່ງແອງ, ເມືອງດຶກທໍ້ ແລະ ສຸສານຂອງອະດີດເລຂາທິການໃຫຍ່ ຮ່າຮຸບເຕີບ.