ຕອນບ່າຍວັນທີ 8/12, ທ່ານເລຂາທິການໃຫຍ່ຄະນະບໍລິຫານງານ ສູນກາງພັກກອມມູນິດຫວຽດນາມ ຫງວຽນຟູ໋ຈ້ອງ ແລະ ຄະນະຜູ້ແທນຂັ້ນສູງຫວຽດນາມໄດ້ກັບເມືອ ຮ່າໂນ້ຍ, ສິ້ນສຸດການຢ້ຽມຢາມສັນຖະວະໄມຕີທາງລັດຖະກີດ ລາດຊະອານາຈັກ ກຳປູເຈຍ ຕາມຄຳເຊື້ອເຊີນຂອງ ພະມະຫາກະສັດ ແຫ່ງກຳປູເຈຍ ໂນຣໍດົມ ສີຫາໂມນີ ຢ່າງຈົບງາມ. ທ່ານເລຂາທິການໃຫຍ່ ຫງຽວນຟູ໋ຈ້ອງ ໄດ້ສົ່ງສານຂອບໃຈ ພະມະຫາກະສັດກຳປູເຈຍ ໂນຣໍດົມ ຊີຫາໂມນີ ແລະ ບັນດາການນຳຂັ້ນສູງກຳປູເຈຍ ທີ່ໄດ້ໃຫ້ການຕ້ອນຮັບຢ່າງສົມກຽດ, ລອບຄອບຖີ່ຖ້ວນ ແລະ ເຕັ້ມໄປດ້ວຍນ້ຳໃຈມິດຕະພາບອັນດີງາມ. ທ່ານເລຂາທິການໃຫຍ່ ຫງວຽນຟູ໋ຈ້ອງອວຍພອນ ປະຊາຊົນກຳປູເຈຍ ຈົ່ງສືບຕໍ່ຍາດໄດ້ບັນດາຜົນງານໃໝ່, ໃຫຍ່ຫຼວງກ່ວາເກົ່າໃນພາລະກິດສ້າງສາ ປະເທດ ກຳປູເຈຍ ແຫ່ງ ສັນຕິພາບ, ເອກະລາດ, ເປັນກາງ ແລະ ວັດທະນາຖາວອນ.
ກ່ອນໜ້ານັ້ນ, ໃນການຢ້ຽມຢາມກຳປູເຈຍຂອງທ່ານເລຂາທິການໃຫຍ່ ຫງວຽນຟູ໋ຈ້ອງ, ສອງຝ່າຍໄດ້ອອກຖະແຫລງການຮ່ວມ. ໃນຖະແຫລງການຮ່ວມທີ່ການເຈລະຈາໃຫ້ຮູ້ວ່າ, ທ່ານເລຂາທິການໃຫຍ່ ຫງວຽນຟູຈ້ອງ ແລະ ພະມະຫາກະສັດ ໂນໂຣດົມ ສີຫາໂມນີ ໄດ້ແລກປ່ຽນຄຳເຫັນຢ່າງເລິກເຊິ່ງ ແລະ ກວ້າງຂວາງ ກ່ຽວກັບສາຍພົວພັນຖານບ້ານໃກ້ເຮືອນຄຽງອັນດີງາມ, ມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ໝັ້ນຄົງຍາວນານລະຫວ່າງ ຫວຽດນາມ ແລະ ກຳປູເຈຍ. ສອງຝ່າຍຢືນຢັນວ່າ: ສືບຕໍ່ຮັກສາ, ເສີມຂະຫຍາຍ ແລະ ສືບທອດໃຫ້ຄົນລຸ້ນຫລັງສາຍພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດ, ບົນພື້ນຖານບັນດາຫລັກການທີ່ໄດ້ລະບຸໃນຖະແຫລງການຮ່ວມຫວຽດນາມ ກຳປູເຈຍປີ 1999, 2005 ແລະ ປີ 2009 ແລະ ຖືວ່າ: ນີ້ແມ່ນຫນຶ່ງໃນບັນປັດໃຈສຳຄັນຮັບປະກັນໄຊຊະນະຂອງພາລະກິດສ້າງສາ ແລະ ປົກປັກຮັກສາປະເທດຊາດຂອງແຕ່ລະປະເທດ. ສອງຝ່າຍເຫັນດີເພີ່ມທະວີການພົບປະຂັ້ນສູງຄັ້ງຕ່າງໆ, ເພີ່ມທະວີການຮ່ວມມືຮອບດ້ານລະຫວ່າງອົງການນິຕິບັນຍັດ ແລະ ອົງການບໍລິຫານຂອງສອງປະເທດ, ສົ່ງເສີມການເປີດກວ້າງການຮ່ວມື, ຊ່ວຍເຫລືອເຊິ່ງກັນ ແລະ ກັນລະຫວ່າງອົງການຈັດຕັ້ງມະຫາຊົນ ແລະ ບັນດາທ້ອງຖິ່ນຂອງສອງປະເທດ, ເປັນຕົ້ນແມ່ນບັນດາທ້ອງຖິ່ນມີເສັ້ນຊາຍແດນຮ່ວມ ແລະ ລະຫວ່າງລຸ້ນຫນຸ່ມຂອງສອງປະເທດ. ເນື່ອງໃນໂອກາດສະເຫລີມສະຫລອງ 45 ປີ ແຫ່ງວັນ ສ້າງສາຍພົວພັນທາງການທູດ, ສອງຝ່າຍເຫັນດີ ຖືເອົາປີ 2012 ແມ່ນປີແຫ່ງ
ມິດຕະພາບ ຫວຽດນາມ ກຳປູເຈຍ.
ສອງຝ່າຍຢືນຢັນຄວາມຕັດສິນໃຈ ນຳວົງເງິນສອງສົ້ນເພີ່ມຂຶ້ນທົບສອງເທົ່າໃນ 5 ປີ ຈະມາເຖິງ ແມ່ນບັນລຸ 5 ຕຶ້ USD, ສົ່ງເສີມບັນດາວິສາຫະກິດສອງປະເທດ ຮ່ວມມືລົງທຶນພັດທະນາຢູ່ບັນດາເຂດຊາຍແດນ, ເປັນຕົ້ນແມ່ນເຂດສາມລ່ຽມພັດທະນາ. ສອງຝ່າຍຢືນຢັນຄືນນະໂຍບາຍບໍ່ອະນຸຍາດໃຫ້ບໍ່ວ່າກຳລັງເປັນປໍລະປັກໃດນຳໃຊ້ຜືນແຜ່ນດິນ ຂອງຕົນເພື່ອນາບຂູ່ເຖິງຄວາມສະຫງົບປອດໄພຂອງປະເທດເພື່ອນ, ສົມທົບກັນປ້ອງກັນ ແລະ ຕ້ານອາດຊະຍາກຳຂ້າມຊາດ, ການເຂົ້າເມືອງຢ່າງຜິດກົດໝາຍ. ສອງຝ່າຍເຫັນດີເປັນເອກະສັນກັນ ຈະເຂົ້າຮ່ວມຢ່າງຕັ້ງຫນ້າໃນການສ້າງປະຊາຄົມອາຊຽນ ພ້ອມກັນປະກອບສ່ວນໃຫ້ແກ່ສັນຕິພາບ, ສະຖຽນລະພາບຂອງພາກພື້ນ, ແກ້ໄຂການພິພາດດ້ວຍສັນຕິວິທີ ແລະສອດຄ່ອງກັບກົດໝາຍ ແລະ ຄຳໝັ້ນສັນຍາຂອງພາກພື້ນ.