ຕອນເຊົ້າວັນທີ 29 ພະຈິກ, ທ່ານເລຂາທິການໃຫຍ່ພັກກອມມູນິດ ຫວຽດນາມ ຫງວຽນຟູຈ້ອງ ໄດ້ມີການເຮັດວຽກກັບສູນກາງສະຫະພັນແມ່ຍິງ ຫວຽດນາມ. ທ່ານເລຂາທິການໃຫຍ່ ຫງວຽນຟູຈ້ອງ ໄດ້ຕີລາຄາສູງບົດບາດ, ທີ່ຕັ້ງ ແລະ ບັນດາການປະກອບສ່ວນທີ່ໃຫຍ່ຫຼວງຂອງແມ່ຍິງ ຫວຽດນາມ ໃນຕະຫຼອດວິວັດການກໍ່ສ້າງ ແລະ ປົກປັກຮັກສາປະເທດຊາດ. ທ່ານເລຂາທິການໃຫຍ່ ໄດ້ຢືນຢັນວ່າ ພັກ ຍາມໃດກໍ່ຮັບຮູ້ຄວາມສຳຄັນຂອງແມ່ຍິງ ແລະ ໄດ້ມີບັນດາມະຕິຕົກລົງ, ລາຍການ, ແຜນຮ່າງເພີ່ອເສີມຂະຫຍາຍບົດບາດຂອງແມ່ຍິງ, ສ້າງບັນດາຂະບວນການແມ່ຍິງ. ກ່ຽວກັບໜ້າທີ່ຈຸດສຸມຂອງສູນກາງສະຫະພັນໃນໄລຍະທີຈະມາເຖິງ, ທ່ານເລຂາທິການໃຫຍ່ ຫງວຽນຟູຈ້ອງ ໄດ້ເນັ້ນໜັກວ່າ.
“ ກ່ອນອື່ນໝົດຄວນຊາບຊືມບັນດາທັດສະນະແນວຄິດ, ການຊີ້ນຳຂອງກອງປະຊຸມຜູ້ແທນທົ່ວປະເທດຄັ້ງທີ 11 ຂອງພັກຢ່າງເລີກເຊິ່ງ, ຄົ້ນຄ້ວາຍຸດທະສາດພັດທະນາເສດຖະກິດສັງຄົມໃນໄລຍະ 20 ປີທີ່ຜ່ານມາ, ໂຄງການການເມືອງຂອງພັກໃນໄລຍະໃໝ່ຢ່າງເລີກເຊິ່ງ. ສະຫຼຸບການປະຕິບັດຄຳສັ່ງມະຕິຕົກລົງທີ່ມີຢູ່ແລ້ວ. ຈາກພຶດຕິກຳຕົວຈິງຂອງຂະບວນການແມ່ຍິງ ແລະ ການເຄື່ອນໄຫວຂອງແມ່ຍິງທີ່ພວກເຮົານຳເຂົ້າສູ່ກອງປະຊຸມໃຫຍ່ທີ່ຈະມາເຖິງ ” .