ທ່ານສຸກັນ ມະຫາຫຼາດ (ຊ້າຍ)
(ພາບ:cand.com.vn)
(vovworld)-ຕອນບ່າຍວັນທີ 26/8, ຢູ່ຮ່າໂນ້ຍ, ທ່ານເລຂາທິການໃຫ່ຍຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟູຈ້ອງ ໄດ້ໃຫ້ການຕ້ອນຮັບຄະນະຜູ້ແທນຂັ້ນສູງນະຄອນຫຼວງວຽກຈັນ ໂດຍທ່ານສຸກັນ ມະຫາຫຼາດ ເລຂາສູນກາງພັກ ປຊຊ ປະຕິວັດລາວ, ເລຂາຄະນະພັກ, ເຈົ້າຄອງນະຄອນຫຼວງວຽງຈັນ ນຳໜ້າ ພວມຢູ່ຢ້ຽມຢາມ ແລະ ເຮັດວຽກຢູ່ນະຄອນຫຼວງຮ່າໂນ້ຍ. ທ່ານສຸກັນ ມະຫາຫຼາດ ຢືນຢັນວ່າ: ນະຄອນຫຼວງວຽງຈັນ ຈະສົມທົບກັບນະຄອນຫຼວງຮ່າໂນ້ຍ ແລະ ທ້ອງຖິ່ນຕ່າງໆຂອງຫວຽດນາມ ຢ່າງແໜ້ນແຟ້ນ ເພື່ອແນໃສ່ເພີ່ມທະວີການແລກປ່ຽນຂໍ້ມູນຂ່າວສານ, ບົດຮຽນໃນທຸກໆຂົງເຂດ ປະກອບສ່ວນປັບປຸງ ແລະເພີ່ມທະວີສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ-ລາວ. ສ່ວນທ່ານເລຂາທິການຫງວຽນຟູຈ້ອງ ສະແດງຄວາມປິຕິຊົມຊື່ນໂດຍເຫັນວ່າສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ-ລາວ ນັບມື້ນັບໄດ້ຮັບການພັດທະນາເຂົ້າສູ່ລວງເລິກ, ມີປະສິດທິຜົນ ແລະ ແທດຈິງໃນທຸກຂົງເຂດ. ທ່ານປາດຖະໜາວ່າ: ນະຄອນຫຼວງຮ່າໂນ້ຍ ແລະ ວຽງຈັນ ຈະສືບຕໍ່ສົມທົບກັນຢ່າງແໜ້ນແຟ້ນ ເພີ່ມທະວີການແລກປ່ຽນບົດຮຽນໃນທຸກໆຂົງເຂດຊື່ງສອງຝ່າຍຕ່າງກໍ່ມີຄວາມສົນໃຈ ປະກອບສ່ວນປະຕິບັດມະຕິກອງປະຊຸມໃຫ່ຍຂອງແຕ່ລະພັກຢ່າງມີໄຊ.