ທ່ານເລຂາທິການໃຫຍ່ ຫງວຽນຟູ໋ຈ້ອງພົບປະກັບຜູ້ມີສິດເລືອກຕັ້ງເມືອງ ໄຕໂຮ່, ຮ່າໂນ້ຍ
ທ່ານເລຂາທິການໃຫຍ່ ຫງວຽນຟູ໋ຈ້ອງ
ພົບປະກັບຜູ້ມີສິດເລືອກຕັ້ງເມືອງ ໄຕໂຮ່, ຮ່າໂນ້ຍ
(ພາບ: TTXVN)
(vovworld) - ວັນທີ 18/10, ທ່ານເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຟູ໋ຈ້ອງ ພ້ອມກັບບັນດາສະມາຊິກສະພາແຫ່ງຊາດ ຫົວໜ່ວຍເລືອກຕັ້ງເລກ 1, ຄະນະສະມາຊິກ ສະພາແຫ່ງຊາດນະຄອນ ຮ່າໂນ້ຍ ໄດ້ພົບປະກັບຜູ້ມີສິດເລືອກຕັ້ງເມືອງ ໄຕໂຮ່. ທີ່ການພົບປະ, ບັນດາ ສະມາຊິກ ສະພາແຫ່ງຊາດ ໄດ້ລາຍງານກັບຜູ້ມີສິດເລືອກຕັ້ງຮ່າງເນື້ອໃນ, ລາຍການຂອງ ກອງປະຊຸມສະໄໝສາມັນເທື່ອທີ 2 ສະພາແຫ່ງຊາດ ຫວຽດນາມ ຊຸດທີ 14 ເຊິ່ງຈະຈັດຕັ້ງແຕ່ວັນທີ 20/10-22/11/2016. ຜູ້ມີສິດເລືອກຕັ້ງສະແດງຄວາມເຊື່ອໝັ້ນຕໍ່ການນຳພາຂອງຄະນະບໍລິຫານງານສູນກາງ, ກົມການເມືອງ, ເຊິ່ງໄລຍະຜ່ານມາ ໄດ້ສ້າງການຫັນປ່ຽນໃໝ່ໃນການສ້າງລັດຂອງປະຊາຊົນ, ໂດຍປະຊາຊົນ, ເພື່ອປະຊາຊົນ, ພິເສດແມ່ນກໍ່ສ້າງລັດຖະບານໃຫ້ເປັນລັດຖະບານແຫ່ງການກໍ່ສ້າງ, ຮັບໃຊ້, ບໍລິສຸດ, ກະທຳ. ຜູ້ມີສິດເລືອກຕັ້ງສະເໜີສະພາແຫ່ງຊາດເພີ່ມທະວີການຕິດຕາມກວດກາສູງສຸດໃນການລົງທຶນພັດທະນາ; ເອົາໃຈໃສ່ເປັນພິເສດເຖິງການພັດທະນາແບບຍືນຍົງ, ຮັກສາສິ່ງແວດລ້ອມຊີວະພາບ, ເອົາໃຈໃສ່ເຖິງການລົບລ້າງຄວາມອຶດຫີວ ຫຼຸດຜ່ອນຄວາມທຸກຍາກຢູ່ເຂດຊົນນະບົດ, ເຂດຫ່າງໄກສອກຫຼີກ, ເຂດຊົນເຜົ່າສ່ວນໜ້ອຍ..
ທ່ານເລຂາທິການໃຫຍ່ ຫວຽດນາມ ຫງວຽນຟູ໋ຈ້ອງ ເນັ້ນໜັກວ່າ, ການພັດທະນາເສດຖະກິດແມ່ນໜ້າທີ່ຈຸດສຸມ, ກໍ່ສ້າງພັກແມ່ນໜ້າທີ່ຫຼັກແຫຼ່ງ, ການປ້ອງກັນຊາດ, ປ້ອງກັນຄວາມສະຫງົບແມ່ນໜ້າທີ່ເປັນປະຈຳ, ແລະ ສຳຄັນພິເສດ. ທ່ານກໍ່ຊີ້ແຈ້ງວ່າ, ການກໍ່ສ້າງພັກຕ້ອງຕິດພັນກັບການຕ້ານການສໍ້ລາດບັງຫຼວງ, ໄພຫຍໍ້ທໍ້, ກໍ່ສ້າງອຳນາດການປົກຄອງ, ລະບົບການເມືອງ… ສິ່ງສຳຄັນແມ່ນຕ້ອງມີການກະທຳ, ປະຕິບັດກົດວິໃນຢ່າງເຂັ້ມງວດ, ປະຊາຊົນ, ສະພາແຫ່ງຊາດ ແລະ ບັນດາອົງການຈັດຕັ້ງມະຫາຊົນຈົ່ງພ້ອມກັນຕິດຕາມກວດກາ.