ທ່ານເລຂາທິການໃຫຍ່ ຫງວຽນຟູ໋ຈ້ອງຢ້ຽມຢາມແຂວງຢວຽນໜານຂອງຈີນ
(ພາບປະກອບ)
(vovworld) - ໂດຍສືບຕໍ່ການຢ້ຽມຢາມຈີນ, ວັນທີ 9/4, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ອອກຈາກນະຄອນຫຼວງປັກກິງ, ໄປຢ້ຽມຢາມແຂວງຢວຽນໜານ.
ກ່ອນໜ້ານັ້ນ, ຕອນເຊົ້າວັນທີ 9/4, ທ່ານເລຂາທິການໃຫຍ່ ຫງວຽນຟູ໋ຈ້ອງໄດ້ຕ້ອນຮັບການນຳວິສາຫະກິດອັນດັບໜຶ່ງ 2 ແຫ່ງຂອງຈີນໃນຂົງເຂດໂທລະຄົມ, ນັ້ນແມ່ນກຸ່ມບໍລິສັດຮວາໄກວ ແລະ ກຸ່ມບໍລິສັດຈຸງສິງ. ທ່ານເລຂາທິການໃຫຍ່ ຫງວຽນຟູ໋ຈ້ອງ ຕີລາຄາສູງໝາກຜົນແຫ່ງການຮ່ວມມືລະຫວ່າງບັນດາວິສາຫະກິດຂອງຈີນ ກັບບັນດາບໍລິສັດໂທລະຄົມຫວຽດນາມ, ທ່ານຊົມເຊີຍ ກຸ່ມບໍລິສັດຮວາໄກວ ແລະ ກຸ່ມບໍລິສັດຈຸງສິງ ສືບຕໍ່ຮ່ວມມືຢູ່ຫວຽດນາມ, ໃນນັ້ນມີເລື່ອງໜູນຊ່ວຍບຳລຸງສ້າງແຫຼ່ງຊັບພະຍາກອນມະນຸດໃນຂົງເຂດເຕັກໂນໂລຢີຂໍ້ມູນຂ່າວສາວ - ສື່ສານໃຫ້ຫວຽດນາມ. ທ່ານເລຂາທິການໃຫຍ່ ຫງວຽນຟູ໋ຈ້ອງ ຫວັງວ່າ, ບັນດາວິສາຫະກິດຂອງຈີນ ຈະສືບຕໍ່ຂຸດຄົ້ນໂຄງການຮ່ວມມືທຳມາຫາກິນຢ່າງມີປະສິດທິຜົນຢູ່ຫວຽດນາມ ເພື່ອບໍ່ພຽງແຕ່ນຳມາເຊິ່ງຜົນປະໂຫຍດທາງດ້ານເສດຖະກິດໃຫ້ວິສາຫະກິດເທົ່ານັ້ນ, ຫາກຍັງປະກອບສ່ວນເຂົ້າໃນການພັດທະນາເສດຖະກິດ - ສັງຄົມຂອງຫວຽດນາມ ກໍ່ຄືເພີ່ມທະວີການພົວພັນຮ່ວມມືລະຫວ່າງສອງປະເທດອີກດ້ວຍ.