ທ່ານເລຂາທິການໃຫຍ່ພັກກອມູນິດຫວຽດນາມເຈີນຟູ້ ກັບການປະຕິວັດຫວຽດນາມ
ທ່ານເລຂາທິການໃຫຍ່ພັກກອມູນິດຫວຽດນາມ ເຈີນຟູ້ ຊຶ່ງແມ່ນເລຂາທິການໃຫຍ່ຄົນທຳອິດຂອງພັກກອມູນິດຫວຽດນາມ
|
(vovworld)- ທ່ານເລຂາທິການໃຫຍ່ພັກກອມູນິດຫວຽດນາມ ເຈີນຟູ້ ກັບການປະຕິວັດຫວຽດນາມ. ນີ້ແມ່ນຫົວຂໍ້ຂອງກອງປະຊຸມສຳມະນາວິທະຍາສາດທີ່ຖືກຈັດຂຶ້ນໃນຕອນເຊົ້າວັນທີ 26/4 ຢູ່ນະຄອນ ຕີຮ່ວາ ແຂວງ ຟູ້ອຽນ ເນື່ອງໃນໂອກາດລະນຶກ 110 ປີ ແຫ່ງວັນຄ້າຍວັນເກີດຂອງ ທ່ານເລຂາທິການໃຫຍ່ພັກກອມູນິດຫວຽດນາມ ເຈີນຟູ້ ຊຶ່ງແມ່ນເລຂາທິການໃຫຍ່ຄົນທຳອິດຂອງພັກກອມູນິດຫວຽດນາມ. (1/5/1904 – 1/5/2014) . ກ່າວຄຳເຫັນໄຂກອງປະຊຸມສຳມະນາວິທະຍາສາດ, ທ່ານ ດິງເທ້ຮີງ ຫົວໜ້າຄະນະໂຄສະນາສຶກສາສູນກາງພັກ ຊີ້ແຈ້ງວ່າ :
“ ແບບຢ່າງທີ່ໃສແຈ້ງຂອງທ່ານເລຂາທິການໃຫຍ່ ເຈີຍຟູ້ ຈະຍືນຍົງຄົງຕົວໃນຈິດໃຈຂອງພະນັກງານ, ສະມາຊິກພັກ ແລະ ຊາວຫວຽດນາມລຸ່ນຕ່າງໆ. ກອງປະຊຸມສຳມະນາແມ່ນໂອກາດເພື່ອໃຫ້ພວກເຮົາທົບທວນຄືນມູນເຊື້ອລະດົມກຳລັງໃຈພະນັກງານ, ສະມາຊິກພັກ ແລະ ປະຊາຊົນທຸກຊັ້ນຄົນຕັ້ງໜ້າຮ່ຳຮຽນ, ເຮັດຕາມແບບຢ່າງຄຸນສົມບັດປະທານໂຮ່ຈິມິນ, ເລຂາທິການໃຫຍ່ ເຈີຍຟູ້ ແລະ ບັນດານັກຮົບກອມມູນິດລຸ່ນກ່ອນ, ຜ່ານນັ້ນ ກໍສຶກສາອົບຮົມມູນເຊື້ອຮັກຊາດ, ມູນເຊື້ອປະຕິວັດໃຫ້ແກ່ ປະຊາຊົນທຸກຊັ້ນຄົນ, ເປັນຕົ້ນແມ່ນໄວໜຸ່ມປະຈຸບັນ ”