ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງຢ້ຽມຢາມ ແລະເຮັດວຽກຢູ່ນະຄອນ ດານັ້ງ
ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງ ຢ້ຽມຢາມ ແລະ ເຮັດວຽກຢູ່ນະຄອນ ດານັ້ງ
|
(vovworld)- ວັນທີ 18/3, ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງ ໄດ້ຢ້ຽມຢາມ ແລະ ເຮັດວຽກຢູ່ນະຄອນ ດານັ້ງ ກ່ຽວກັບການພັດທະນາເສດຖະກິດ-ສັງຄົມ ແລະ ການກໍ່ສ້າງພັກພາຍຫຼັງ 3 ປີແຫ່ງການປະຕິບັດມະຕິກອງປະຊຸມໃຫຍ່ຄັ້ງທີ 11 ຂອງພັກ ແລະ ມະຕິອົງຄະນະພັກນະຄອນຄັ້ງທີ 20. ກ່າວຄຳເຫັນກັບຄະນະປະຈຳພັກນະຄອນ ແລະ ພະນັກງານຫຼັກແຫຼ່ງຂອງນະຄອນ, ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງ ຢືນຢັນວ່າ ເພື່ອພັດທະນາໃຫ້ດີຍິ່ງຂຶ້ນອີກ, ນະຄອນ ດານັ້ງ ຄວນສືບຕໍ່ຂະຫຍັນຂັ່ນເຄືອ່ນ, ມີຫົວຄິດປະດິດສ້າງ; ເປັນເຈົ້າການນຳສະເໜີບັນດາກົນໄກ, ນະໂຍບາຍທີ່ສອດຄ່ອງ; ຕີລາຄາ, ຂຸດຄົ້ນບັນດາແຫຼ່ງກຳລັງສັງລວມຢ່າງມີປະສິດທິຜົນເພື່ອຮັບໃຊ້ການພັດທະນາ ແລະ ຕອບສະໜອງຄວາມມຸ່ງຫວັງຂອງປະຊາຊົນ. ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງ ກ່າວວ່າ :
“ນະຄອນ ດານັ້ງຍັງມີຄວາມສາມາດບົ່ມຊ້ອນຢ່າງໃຫຍ່ຫຼວງ. ແຫຼ່ງກຳລັງຈາກທີ່ຕັ້ງພູມິປະເທດເພື່ອພັດທະນາການທ່ອງທ່ຽວ, ທ່າກຳປັ່ນ, ຊຸ່ມທາງຄົມມະນາຄົມ, ສູນການໂທລະຄົມ, ຊັບພະຍາກອນທີ່ມີຄຸນນະພາບສູງ, ເຕັກໂນໂລຢີສູງ, ເຄື່ອງໝາຍການຄ້າ ດານັ້ງ ກໍແມ່ນແຫຼ່ງກຳລັງ. ມູນເຊື້ອປະຕິວັດ ກໍແມ່ນແຫຼ່ງກຳລັງທາງດ້ານຈິດໃຈຢ່າງໃຍ່ຫຼວງ. ສິ່ງທີ່ສຳຄັນແມ່ນຈະຊອກຫາຈຸດທີ່ເຂັ້ມແຂວງຂອງນະຄອນເພື່ອເສີມຂະຫຍາຍແຫຼ່ງກຳລັງນັ້ນ ແລະ ຕັດສິນໃຈເຮັດສິ່ງນັ້ນຫຼືບໍ່ ”