(ທ່ານເລຂາທິການໃຫຍ່ ຫງວຽນຟູ໋ຈ້ອງ ເປັນປະທານກອງປະຊຸມ
ຄະນະຊີ້ນຳສູນກາງກ່ຽວກັບການປ້ອງກັນ,ຕ້ານການສໍ້ລາດບັງຫຼວງ)
(vovworld)- ຕອນເຊົ້າວັນທີ 28/12 ຢູ່ຮ່າໂນ້ຍ, ໄດ້ດຳເນີນກອງປະຊຸມຄັ້ງທີ 9 ຂອງຄະນະຊີ້ນຳສູນກາງ ກ່ຽວກັບການປ້ອງກັນ, ຕ້ານການສໍ້ລາດບັງຫຼວງ. ທ່ານເລຂາທິການໃຫຍ່ຄະນະບໍລິຫານງານສູນກາງພັກຄອມມູນິດຫວຽດນາມ ຫງວຽນຟູ໋ຈ້ອງ ຫົວໜ້າຄະນະຊີ້ນຳສູນກາງ ເປັນປະທານກອງປະຊຸມ.
ຕີລາຄາສະພາບການ, ໝາກຜົນວຽກງານການປ້ອງກັນ, ຕ້ານການສໍ້ລາດບັງຫຼວງໃນປີ 2015, ບັນດາສະມາຊິກ ໄດ້ໃຫ້ຂໍ້ສັງເກດວ່າ: ການຄົ້ນພົບ, ປັບໃໝບັນດາຄະດີການສໍ້ລາດບັງຫຼວງ ແມ່ນມີ ການຫັນປ່ຽນຫຼາຍຢ່າງຕັ້ງໜ້າກວ່າ. ມີຫຼາຍຄະດີໃນການສໍ້ລາດບັງຫຼວງ, ໃນນັ້ນ ຄະດີກ່ຽວກັບເສດຖະກິດແມ່ນຮ້າຍແຮງ, ສັບສົນ ໄດ້ຮັບການຍູ້ໄວຄວາມຄືບໜ້າໃນການສືບສວນສອບສວນ, ຟ້ອງສານ, ພິພາກສາຢ່າງເຂັ້ມງວດ.
ກ່າວຄຳເຫັນສະຫຼຸບກອງປະຊຸມ, ທ່ານ ເລຂາທິການໃຫຍ່ ຫງວຽນຟູ໋ຈ້ອງ ສະເໜີວ່າ: ໃນວິວັດການຕີລາຄາວຽກງານການປ້ອງກັນ, ຕ້ານການສໍ້ລາດບັງຫຼວງ ປີ 2015 ແລະ ສະຫຼຸບການເຄື່ອນໄຫວວຽກງານຂອງຄະນະຊີ້ນຳສູນກາງ ຕ້ອງຕິດພັນກັບການປະຕິບັດມະຕິສູນກາງທີ 4 ຊຸດທີ 11 ກ່ຽວກັບການກໍ່ສ້າງພັກ. ທ່ານ ເລຂາທິການໃຫຍ່ ຫງວຽນຟູ໋ຈ້ອງ ເນັ້ນຫນັກບົດບາດສຳຄັນຂອງບັນດາອົງການສື່ມວນຊົນໃນວຽກງານຖະແຫລງຂ່າວ, ໂຄສະນາເຜີຍແຜ່. ທ່ານ ເລຂາທິການໃຫຍ່ ຫງວຽນຟູຈ້ອງ ສະເຫນີ: ບົນພື້ນຖານບັນລຸບັນດາ ໝາກຜົນຕັ້ງຫນ້າ, ໄລຍະຈະມາເຖິງ ຄວນສືບຕໍ່ຄົ້ນຄ້ວາກ່ຽວກັບຮູບການສະຫນອງຂໍ້ມູນຂ່າວສານໃຫ້ເໝາະສົມເພື່ອໃຫ້ພະນັກງານ, ສະມາຊິກພັກ, ປະຊາຊົນເຂົ້າໃຈໝາກຜົນໃນການຕໍ່ສູ້ປ້ອງກັນ, ຕ້ານການສໍ້ລາດບັງຫລວງກວ່າອີກ. ກ່ຽວກັບຫນ້າທີ່ປີ 2016, ທ່ານເລຂາທິການໃຫຍ່ ຫງວຽນຟູຈອ້ງ ເນັ້ນຫນັກວ່າ:
“ຕ້ອງເອົາໃຈໃສ່ເຮັດແນວໃດ ພາຍຫລັງກອງປະຊຸມໃຫຍ່ຄັ້ງທີ 12 ຂອງພັກ, ວຽກງານປ້ອງກັນ ຕ້ານການສໍ້ລາດບັງຫລວງຕ້ອງໄດ້ຮັບການຍູ້ແຮງກວ່າອີກ, ມີບາດກ້າວແຮງກວ່າ, ປະສິດທິຜົນກວ່າ. ວຽກງານຕ້ານການສໍ້ລາດບັງຫລວງແມ່ນການຕໍ່ສູ້ຢ່າງຍາວນານ, ຫຍຸ້ງຍາກ, ສັບສົນ, ຕ້ອງມີຄວາມຮັບຜິດຊອບເພື່ອຕັດສິນໃຈສູງກວ່າ.”